Meng kan mai, bộ aow cóm hu ngak brei siam binai  jang urang kamei Thái, meng tagok puh, tabiak hamu, nao pasa, nao main, abih di nyu nan lac dom harei rija, roya, atau harei mai sang pasang likei ye oh kurang hu  bộ váy aow cóm. Saai  Cầm Thị Xuân daok di palei  Hài, phường Chiềng An, ban sit  Sơn La brei thau: “Hulin meng dahlau mai randap cuk aow  cóm di urang kamei  Thái. Harei rija, harei roya, uan sang bahrau, tuk likhah caga  khol hulin jeng cuk ngui aow cóm, urang kamei  Thái cuk aow cóm biak mekre.”        

Urang Thái hu 2 nyaom prong lac Thái patih song  Thái jhuk, yau nan ye, khan ao cóm jeng karei di gauk. Takuai aow cóm urang kamei  Thái jhuk glong, kua tame takuai yau takuai ao laow, nẹp viền taom dar takuai tui  sambao di aow bo palih ruah sambo yau habar ka nyu lagaih, dok takuai aow  cóm urang kamei  Thái patih, ye dui atah meng takuai trun nẹp aow  atau takuai trái tim. Dahlau deih aow cóm cakak jhik biak mbuan, tui njauk jalan meng kan. Dok urak ni, xã hội dak harei dak tagok, gam song hatai takre di tuai , nan ye dom urang cakak jhik cóm yaom lac dok khik hu dom janih cơ bản di aow cóm, jeng njauk salih bahrau dom chi tiết. Pagap yau: aow cóm meng kan cuk yaok harei, dahlau deih jhik meng tanyiak  chàm, tanyiak jangaih, atah tangin ye urak ni  aow cóm meda pandar rilo  janih tanyiak karei di gauk,  rilo sambo hadah, song dom janih bingu ala, dom sambo hajao, meriak, ngu , katam. Tangin aow meda jhik  atau oh. 

  Saai  Lò Thị Bình daok di palei Bó, phường Chiềng An, ban sit  Sơn La, urang jhik khan aow urang kamei Thái brei thau “ Cakak aow cóm tui thaik thaot di urang bo cakak  ka nyu mbaih lagaih. Takuai, tangin, rup, eo, bara mbiah song urang. Kayua aow cóm cuk  papaok tame rup, khan jeng yau nan njauk dut iek habar ka mbiah song rup urang.

Aow cóm urang kamei Thái oh kurang hu hàng cúc bướm ( mák pém ), meda ngak meng cúc bạc atau thiếc, nhôm...cúc hu 2 gah sa gah lac  drei tano, sa gah  lac drei binai ( tô pe, tô me ), tui urang lagaih tangin gah halei ye cài cúc bướm ka nyu lagaih. Cài tah atau jaik jeng tui urang pandar. Cúc bướm hu thaik anek  cim kadit, anek ve sầu, anek nhện...Meng kan adei saai kumei bhian pandar cúc đồng salih ka cúc bướm ( mák hỏ ngók ) min rilo meng lac brei ka urang prong thun. Nẹp aow hu palih tanyiah karei sambo ngak brei hadah tagok hàng cúc, yau aow sambo patih pandar nẹp aow sambo hajao, tím, jhuk..

Gam song blah aow  cóm oh kurang hu blah khan Thái meng tanyiak jhuk. khan atah meng eo trun tal ndon laiy , dahlau deih adei saai  pandar tanyiak meriak ngak nẹp takai váy, cạp váy pandar tanyiak khang jang piah mbuan lauk. Talei ka-ing ( sài eo) dahlau deih hu  meng  kabuak njom hajao brei ka urang ranaih umo, njom ngu ka urang umo prong. Urak ni adei saai pandar tanyiah  bilau thu jhuk atau bilau thu hu pet bingu la  tui hatai takre di urang pandar. Aow  cóm urang kamei  Thái jhui cuk papaok rup, biak sir rup, abih di nyu nan lac dom adei saai  kumei hu thaik thaot sit cuk  khan aow ni biakmekre..

 Saai Lò Thị Tọi daok di palei  Chậu, phường Cơi, ban sit  Sơn La, sa urang jhik aow  cóm brei thau: “ Hulin kham jhik ka nyu mekre, urang takre urang meng mai jhik. Jhik brei mbiah, jhik blah halei mbiah blah nan oh jhik ngak veik, njauk hatai urang,. Drei jhik siam urang njauk hatai meng mai jhik.”

 Urang kamei Thái cuk khan aow  cóm mboh biak mekre, gam song blah khan piêu angaok akaok dak ngak brei siam binai jang. Kayua Yau nan ye, yaom lac  xã hội dak harie dak tagok, taom gaok rilo janih khan aow di dom bangsa, min khan aow meng kan di urang kamei  Thái dok hu adei saai ngui cuh dalam dom harei  lễ Tết, harei rija roya di puk palei, abih di nyu nan lac dalam dom harei akaok thun bahrau, yau sa janih ilamudi bangsa drei./.

                                                              Lường Hạnh - VOV Tây Bắc