Dalam dom harei tapa, urang ruak pandiak tabiak darah di ban raya Hồ Chí Minh mboh hu rilo song hu 3  urang metai. Abih di nyu nan lac hu rilo urang  sốc pandiak tabiak darah biak trak, mbuan si metai  .Kadha vak di Kim Dung hu khan ka bruk ni, daa mik va song tong abih gauk tui pang;

Dalam adit bloh, menuac njauk ruak pandiak tabiak darah di ban raya Hồ Chí Minh hu tal 339 urang, rilo jang 40% dut song 4 adit dahlau nan. Meng bilan 6, dom urang ruak pandiak tabiak darah tagok 10 tal 15%  dut song bilan dahlau nan. Ban raya bahrau hu sa urang metai, tapa nan  urang metai kayua ruak pandiak tabiak darah meng akaok thun tal ni di ban raya hu tal 3 urang. 

Di sang iek ruak Nhiệt đới ban raya  Hồ Chí Minh, urang tame sang iek ruak kayua pandiak tabiak darah dalam bilan 6 tagok meng 30 tal  40% dut song bilan 5 song tagok jang 2 mbang dut song tuk vak ni thun dahlau. Bruk njauk caik hatai lac dahlau daih, urang praong thun njauk ruak ini tok hu  20%, urak ni tagok tal  43%.

Di sang iek ruak  Nhi đồng 1, yaok adit hu labaih 70 uranaih tame sang iek ruak kayua pandiak tabiak darah. Dok sang iek ruak Nhi Đồng 2, hu meng  45 tal  50 mbang . Dalam dom pluh uranaih tame sang iek ruak, hu labaih 10% njauk ruak trak. Saai Lê Thị Thu Hòa, daok di  Vũng Tàu, hu anek njauk sốc pandiak tabiak darah daok dok di phòng cấp cứu, khoa Nhiễm, sang iek ruak  Nhi đồng 2 brei thau:Pandiak melam ka 5 ye mesup ka 6 adei ieu amaik ba taco nao sang iek ruak, kayua oh thau habar pandiak miat luac melam yau nan. Bloh ruak trak jang, kan suak yava song tràn dịch tame phổi.

Tiến sĩ, Bác sĩ Nguyễn Minh Tuấn – Trưởng khoa pandiak tabiak  darah, Sang iek ruak Nhi đồng 1, ban raya  Hồ Chí Minh brei thau: Rilo uraniah ruak njauk sốc pandiak tabiak darah dok iek ruak di sang iek ruak brei thở máy. Meng akaok thun tal ni, di sang iek ruak Nhi đồng 1 hu 2 urang metai kayua  sốc pandiak tabiak darah, hu ba meng labik karei mai tuk ruak biak trak. Anak bruk nan, sang iek ruak peih bruk pasram ka dom  bác sĩ, điều dưỡng ka bruk chẩn đoán song iek ruak; dom  bác sĩ di dom khoa ruak trak  (hồi sức, pandiak tabiak darah) dok hu pasram  chuyên sâu piah langyah dom urang ruak trak. Lingiu di nan, hu padang  5 kapul  cơ động pandiak tabiak darah  piah langyah dom urang njauk ruak  pandiak tabiak darah di sang iek ruak song dong chip ka dom sang iek ruak  quận, huyện tuk hu panuac caong. Bác sĩ Nguyễn Minh Tuấn khan lac : Sốc pandiak tabiak darah bhian rah tabiak tuk nhiệt độ trun, meng harei ka 3 tal harei ka 6, abih di nyu lac tuk uranaih daok trun pandiak, pandik tain, min uranaih sit oh thau nyai ka drei thau lac nyu pandik tain, bo haiy, klak mbang klak mum, oh bingi dalam rup, glaok taaok rilo ye brei caik hatai sangka song ba uranaih tame sang iek ruak chip.

Tui pasak  Y tế dự phòng ban raya, makna lac kayua thun ni hajan avar yau nan ye ruak pandiak tabiak darah jeng tagok avar jang 4 tal  5 adit dut song dom thun dahlau.  Dalam tuk nan, urak ni langik di ban raya  Hồ Chí Minh dok biak lagaih ka ruak pandiak tabiak darah pambak khang tuk pandiak di var mesup, cala pandiak , song hajan tuk beir harei, melam. Tui kuhria mboh dahlau, tabung glong di ruak pandiak tabiak darah lac bilan  7, 8, 9, kayua yau nan ye anak tal,  ruak meda daok hu rilo jang.

Tui Bác sĩ Nguyễn Trí Dũng, Akaok pasak Y tế dự phòng ban raya  Hồ Chí Minh, urak ni , jalan tui iek  véc tơ njom ruak , pacang caga jamuk oh ba mai siam lagaih rilo kayua biak di nyu pacang caga jamuk lac biak kan, meda lac oh ngak hu. Dalam tuk nan, dom mblang taneh klah saoh hu rilo janih jeng labik  pambak ruak ka bhap bini, dom sang trọ, dom vựa ve chai, dom danak dak padang ngak…mbuan pambak ruak biak rilo. Karja palei hu langyah dom labik ni, min bruk ni di dom puk palei takik hu caik hatai sangka. Bahrau ni, tapa tui iek 14 quận, huyện ye hu tal 12 quận, huyện oh mek hu tanut dalam bruk ni. Karja labik nan oh ka phạt trak  dom sang bhap bini caik tamuh rilo lăng quăng, peih tabiak jalan ka jamuk caih, mebaoh song patagok, bo rilo meng phạt dom doanh nghiệp ngak suan. Bác sĩ Nguyễn Trí Dũng, Akok pasak  Y tế dự phòng ban raya Hồ Chí Minh lac: Ngak habar khol drei tui iek hu dom labik mbuan si hu jamuk, lăng quăng dalam tuk khol drei oh hu vắc xin, oh ka hu rilo jalan ngak siam karei Min dalam tuk peih ngak brei hu pambuak bruk khang kajap di karja, dom ban, dom gah song bhap bini.

Dom chuyên gia y tế dự phòng hu panuac kakei bhap bini kham merat pacing caga jamuk piah khik iek pren yava ka boh sang song bhap bini. Abih di nyu nan lac jhui iek lap ruak pandiak tabiak darah, kayua ruak meda abih eng dalam sa adit, min mbuan si sốc pandiak tabiak darah saong mbuan si metai./.