Pathau mik va: Urak ni, langik daok pandiak tagok, lac tuk lagaih tamuh ruak tụ huyết trùng di athur raong, kayua yau nan ye, kadha urang ngak hamu cong thau harei ni hu khan brei mikva thau ka ruak ini saong jalan pasiam ruak.

Ruak tụ huyết trùng mai meng vi khuẩn Pasteurella, vi khuẩn hu rilo janih. Kabau, limo, pabui, menuk , da, lac dom janih rong mbuan njauk ruak  tụ huyết trùng. Ruak tụ huyết trùng bhian tamuh tabiak tuk langik pandiak, pasah, abih di nyu nan lac bilan hajan ( tuk hajan, tuk pandiak) atau salih labik daok, (mboh di kabau, limo tuk salih labik daok, urang rong bhain ieu lac ruak ngã nước).

Vi khuẩn tụ huyết trùng hu dalam rup athur rong khang kadang, bhain daok di jalan suak yava. Tuk hu dom bruk oh lagaih yau langik tuk pandiak tuk hajan, salih tapon, mbang menyum oh ginup... ye vi khuẩn tamuh tabiak rilo song khang jang, tagok jeng ruak. Ruak pambak meng athur ruak tapa athur khang kadang (kayua taom gaok), kayua ia menyum, pandap mbang, pandap rong njom anek ruak. Ruak jeng meda pambak tabiak kayua pablei salih, sik ngak rilaow athur ruak song tapa dom jalan pambak ruakyau takuh,  côn trùng… Bhian di nyu athur njom ruak tui 3 janih lac: ác tính, cấp tính song á cấp tính.

Meyah njauk ruak ác tính  ye anek athur metai biak samar, oh mboh cambaih triệu chứng; gaok tuk athur raong pandiak glong. Athur raong njauk ruak tụ huyết trùng cấp tính lac bhian mboh di abih. Anek athur metai samar (tuk vak ndung ruak meng 1-3 harei), rup jum jhuk; pandiak glong, nao mai suai damuai, metai takai. Pabui limo, kabau njauk ruak bhian han daklah tabiak, kan suak yava. Meda hu chraoh aih, khak hu darah song niêm mạc ruột. Kan suak yava, sraiy ia dhung, ia pabah. Vi trùng tame dalam darah ba tal nhiễm trùng huyết ngak ka athur  samar metai. Di negar drei, menuk da, athur rong njauk ruak metai meng 90 - 100 %. Dok meyah njauk ruak á cấp tính, athur rong bhian  rối loạn jalan tung pruac: hu tuk táo bón, hu tuk chraoh aih; viêm khớp nan ye athur nao mai kan kandah .

- Nhạc cắt

Mik va brei samar thau ruak, brei athur ruak daok karei, pandar sa dalam dom janih jru ala ni piah iek ruak : Ampikana, Gentatylo, Oxytetracylin, Genta-costrim, Gentamicin - Doxycyclin, Lincospecto. Liều lượng, jalan pandar tui panuac tacei di labik ngak tabiak jru. Langiu di nan, brei pabak dom vitamin, men tiêu hóa, jru khang pren piah athur samar siam, puh ramik pametai anek ruak dalam var rong, dom pandap rong glang song labik taom dar.

          Mik va caik hatai sangka pacang ruak tụ huyết trùng meng bruk klauk  vắc-xin tụ huyết trùng, liều lượng song jalan ngak tui panuac kakei di dom labik ngak tabiak jru. Bhian di nyu,  menuk da klauk mbang camereip tuk nyu praong hu 35-45 harei; daok pabui tuk praong hu  30 - 45 harei , kabau, limo lac  6 bilan. Yaok  6 bilanklauk veik  1 mbang.  Caik hatai sangka dahlau song hadei di tuk klauk vắc-xin, brei pabak vitamin 3-5 harei piah patagok pren yava ka athur rong, patrun ảnh hưởng di vắc-xin song dong ka athur rong pabak miễn dịch siam jang, Bhain puh ramik, pametai anek ruak di labik raong, labik palao rong, patagok pren pacang caga ruak ka athur rong, iek glang siam, abih di nyu nan lac dalam bilan hajan song tuk langik oh lagaih.

 Kadha  “Urang ngak hamu cong thau” adit ni tal ni likau padeih. Kadha ni kayua rayo sap ndom VN pambuak bruk song Pasak pachreih nong pakat negar ngak./.