Pathau mik va song tong abih gauk! Dalam tuk njam patam, baoh kraoh di urang nong pablei tabiak darak pasar  yaom biak lap yau brei saoh, karja saong gah chức năng di tỉnh Quảng Nam daok pambuak bruk haong doanh nghiệp, peih praong darak pasar pablei pandap, daong ka urang ngak nong pablei hu kaya nong. Kadha vak di urang vak Hoài Nam saong Tuyết Lê daok di bhum kreh negar:

Mblang hamu amriak palei Lệ Bắc, xã Duy Châu, huyện Duy Xuyên, tỉnh Quảng Nam daok tabiak bingu, ndam baoh. Thun blaoh, mikva labik ini pala 35 hevta amriak. Pala njauk, amriak bak baoh, min cang miat, livik livik meng hu urang mai blei yaom lap meng 3.000đồng tal 5000 đồng sa kilo. Yaom trun biar, rilo urang oh khin paik, caik ka amriak tathak truh bak hamu. Thun ini, taneh pala amriak tagok 42 hecta. Karja saong gah ngak nong huyen Duy Xuyên hu brei ka doanh nghiep dang tabiak mbaoh tangin blei amriak saong HTX Nong nghiep Lệ Bắc. Doanh nghiệp daok hu sanya tagok yaom blei meyah darakpasar tagok yaom. Urak ini, yaom trun khang, mikva khat lahik dua tal. Ong Văn Bá Năm, Akok  jabat ngak nong saong patagok palei pala huyen Duy Xuyen lac, bruk “pala njauk ye laik yaom, hu yaom ye pala oh njauk” daok ngak ka rilo urang nong glaih glar.

Khol dahlak duah hu doanh nghiep nan lac Cong ty TNHH Viet Thang, daok di Hải Dương. Khol dahlak ba mbuan lagaih piah pambuak bruk saong HTX, saong urang nong piah ngak amriak, bloi, tamun…tui jalan mbaoh tangin tame harak pambuak bruk blei abih amriak pala hu tui jalan bắt buộc saong tuk mbaoh tangin hu tabiak yaom blei dahlau. Meyah yaom darak pasar tagok ye blei tagok, daok meyah yaom trun ye daonh nghiep njauk blei yaom yau dalam harak.

Di tỉnh Quảng Nam urak ini hu rilo janih kaya nong hu anganje min urang nong jeng daok haduh hatai ka bruk pablei. Di palei ngak njam Bàu Tròn, xã Đại An, huyện Đại Lộc, dom janih njam di labik ini tok hu pablei di dom drak sit sot…Ong Le Trí Thanh, Pho akok UB bhap bini tỉnh Quảng Nam brei thau, gam saong bruk padang dom chuỗi pala ngak hacih saat, hu jabat khik iek mbaok tangin saong labik pablei kaya nong hacih sa-at, tỉnh Quảng Nam daok kham mbaoh tangin pambuak bruk saong dom doanh nghiep, peih praong darak pasar pablei pandap:

Jalan ngak di tỉnh di tỉnh Quảng Nam lac gam daong ka  urang nong piah mikva ngak tabiak dom kaya nong hacih sa-at. Langiu di nan, meyah tok caong tame urang ong ye kan hu rilo kaya nong pabak ka darak pasar, siam saong rilo janih. Kayua Yau nan ye, brei pachreih dom doanh nghiep tame tui jalan gam buh jientame ngak, gam pambuak bruk saong urang nong piah pandar ngak abih taneh riya, urang ngak di paleipiah ba gauk patagok, ba mai kein laba ka doanh nghiep saong urang nong.

Tui ong Nguyên Đỗ Tám, pho akaok Sở Ngak nong saong patagok palei pala ban Da Nang, urak ini yaok harei hu meng 20 tal 30 tấn kaya nong di tỉnh Quảng Nam pablei di ban Da Nang. Darak Hàn, Cồn, Hòa Cường… gam saong dom sieu thi, cửa hàng di Da Nang lac labik pablei hu rilo dom janih kaya nong di mikva  urang ong tỉnh Quảng Nam. Nan ye, 2 tỉnh daok pakhang bruk pambuak gauk daong urang ngak nong pablei kaya nong./.