Ngan song urang Thái di  Mường Lò (Yên Bái), khèn bè lac alat ragam pambuak bruk meyit meyau, lac suan yava dalam ragu daoh, ragam tamia, lac sa  ilamu siam gheih. Sap khèn jeng lac sap di hatung hatain, lac hatai sahneng di mik va labik ni. Daa mik va song tong abih gauk duah thau ka alat ragu meng kan siam gheih ni tapa kadha vak hadei ni di Đinh Tuấn, urang vak di rayo sap ndom VN dok di bhum Tây Bắc:

Boh khèn bè di urang Thái yau sa tác phẩm nghệ thuật biak siam, lac bruk pambuak pagam dom yaom glaong di langik tasik, song hatai ranam palei negar, anit ranam bangsa di urang nghệ nhân. Nyu lac pandap brei mboh ka bruk patagok gah âm nhạc, lac ilamu akaok sahaneng gheih mekre di bhap bini bangsa Thái daok di Mường Lò. Ong Lò Văn Chính daok di phường Tân An, ban sit  Nghĩa Lộ brei thau: Ngan song bangsa  Thái di Mường Lò Nghĩa Lộ ye brei hu mbaik khèn ni , oh kurang hu.

 Mong mboh mbaik khèn bè nyu đơn sơ, min tuk dom nghệ nhân yuk  tagok ye nyu ngak pachreih hatai urang, tuk glaong, tuk biar yau hatai anit bo urang likei payua tal urang kamei,hu  tuk nyu yau sap chraoh nduac, sap hangin doh. Bruk njauk menyai nan lac di  khèn bè Thái hu dom sap nao gam gauk bo dom nghệ nhân ieu lac "pò mè" – nan lac amaik ame. Nan jeng lac triết lý âm - dương, bruk patagok di rai duik hu brei mboh biak gheih. Nghệ nhân Lò Văn Biến, palei Cang Nà, phường Trung Tâm, ban sit  Nghĩa Lộ khan lac: Sap khèn Bè main dalam tamia, xòe, dalam tong abih dom bruk biui sambai yau tagok sang bahrau, ndam likhah, tong abih dom bruk main sambai jeng pandar khèn bè. Ni jeng lac alat ragu dang akaok ka tong abih dom lagu tamia xòe di bangsa Thái. Meng urang taha tal dam dara thei jeng takre sap khèn….

Piah pok meyaom boh khèn bè, bahrau ni ban sit  Nghĩa Lộ hu padang ngak boh khèn bè glong 2m, gar  5m piah parang iek, yaik khan dalam  adit ilamu , Du lịch Mường Lò thun 2017. Bruk njauk menyai nan lac boh khèn oh lac mô hình tượng trưng, bo lac sa boh khèn hu công năng biak biai, hu  5 nghệ nhân main; hòa âm, patagok ragu xòe di yaok ribau nghệ nhân. Amuk Hoàng Thị Hồng Hạnh, phó chủ tịch Ubbhap bini  ban sit  Nghĩa Lộ brei thau:  Thun ni khol hulin pataom tame bruk yaik khan boh khèn bè di urang  Thái Mường Lò, sa alat ragam biak hu yaom glaong dalam rai duik di urang Thái. Lavik ye oh hu yaik khan, patagok njauk tanut, njauk bruk di nyu. Ni lac bruk bo Nghĩa Lộ biak caik hatai sangka.

Meng bruk lac boh khèn bè di ban sit  Nghĩa Lộ bahrau hu pok brei angan Kỷ lục Guinnes Việt Nam nyu yau pabak jang hatai jia piah mik va Thái Mường Lò khik ramik, patagok dom ilamu siam mekre, hadah krah di drei, dalam nan hu dom alat ragam meng kan./.