1-Urang metai atau lahik, hu harak di Tòa án brei thau lac lahik atau metai blaoh.

2- Urang nao daok di negar langiu

3- Urang hu harak brei klaak angan tabiak truh labik tut angan daok thường trú tui Paka 35 Hukum Cư trú 2020.

4 -Urang oh hu mbaok gam gam di labik daok meng 12 bilan tagok bo oh tut angan tạm trú di labik karei atau oh khan brei thau bruk oh hu mbaok, langiu di bruk tabiak negar langiu min oh njauk lac piah daok veik atau urang daok njauk guk, njauk ba tame labik pasram patia, tame labik cakak jru phien, tame sang bac giáo dưỡng.

5- Urang hu jabat karja brei padeih quốc tịch Viet Nam, dahlau di nan hu quốc tịch Viet Nam, klak bruk brei tame quốc tịch Viet Nam.

6- Urang hu tut angan daok di labik pah daok, nyim daok, gam daok min padeih pah, padeih nyim daok, padeih gam daok bo hadei di 12 bilan kuhria meng harei padeih pah, padeih nyim, padeih gam daok oh ka tut angan daok thường trú di labik daok birau.

7- Urang hu tut angan daok thường trú di labik daok njauk tui hukum min hadei di nan salih po sang karei bo hadei di 12 bilan  kuhria meng harei salih pô sang oh ka tut angan daok di labik daok birau; langiu di bruk hu po sang birau njauk hatai brei papah, brei nyim, brei gam daok saong tut angan daok thường trú di labik nan.

8 -Urang hu tut angan daok thường trú blaoh di labik daok pah, labik nyim daok, labik gam daok min padeih pah, padeih nyim, padeih gam daok  saong oh hu urang brei pah, brei nyim, brei gam daok brei khik veik bruk tut angan thường trú di labik nan; urang hu tut angan thường trú di labik nan daok hu quyền ngak po di drei min salih quyền ngak po ka urang karei blaoh, saong oh hu po sang birau njauk hatai khik veik angan thường trú di labik nan.

9- Urang hu tut angan daok di labik daok njauk yah klak, njauk mek tui bruk ba tabiak di jabat karja hu thẩm quyền atau di labik njauk klaak tut angan  tui hukum karja.

Jabat brei tut angan daok thường trú blaoh hu quyền klaak tut angan daok  thường trú saong brei vak cambaih kayua halei bo klaak, tukvak klaak tut angan daok thường trú dalam Cơ sở dữ liệu ka cư trú.

Urang lang: Ai Nghiem -7/12/2021