Sa-ai Giàng Seo Chúng, bangsa Mông, Phaok akaok Công an xã Đắk R’măng, huyện Đắk Glong (Đắk Nông) tuk halei jeng abih hatai haong bruk ngak, abih hatai haong bruk paglaong rai diuk di bhap bani.

      Thau cambaih lac sa dalam dom makna ba tal kan kathaot, rai diuk rambah rambup di mikva, nyu mai meng ralo adat cambat tanarakun klak oh daok laghaih haong rai diuk harei ini, sa-ai Giàng Seo Chúng hu pambuak bruk haong dom mban ngành, kapul nyaom puk palei, jhul khang bruk pathau khan sarak tal bhap bani. Sa-ai  bhian nao rivang, pachreih ba dom baoh sang dalam xã tuk hu bruk bui sambai atau duh hatai. Lavik livik harei, mikva dalam palei mong sa-ai yau anek kamuan, gauk gar dalam sang.

      Gam haong bruk pathau khan dom jalan ngak, dom sarak di Đảng, hukum di Karja, bruk  halei hu pambuak pagam tal rai diuk yaok harei di mikva, sa-ai jeng hu mbaok piah langyah, tacei ba. Dom baoh sang bhian daa gru ieu yang tuk dalam sang hu menuac ruak kik pandik harao, sa-ai jak ba mikva ba urang ruak nan nao tal sang iek ruak... 

       Jeng mai meng bruk kak kajap haong puk palei, nan ye thun 2011, meng panuac khan di mikva, sa-ai samar thau 3 baoh sang urang Mông daok caong khin vượt biên. Hadei di tuk khan brei karja palei thau, luac sa adit hadei nan, harei halei sa-ai jeng nao 25 km jalan glai piah tal sang dom urang nan jak ba mikva salih hatai caong khin. Pang sa-ai langyah mboh siam lagaih,  dom baih sang nan daok veik saong sahanang hatai ngak mbang, padang mbang angui. Urak ini, rai diuk di 3 baoh sang nan jeng hu ginup kaya. 

     Oh lac sami samar pathau khan, sa-ai daok thau ba dom hatai saneng, dom caong khin di mikva tagok brei karja palei thau piah daong./.