Padang ngak veik adat Aza di urang Pa Cô 

Lễ hội Aza hu meng kan mai hu peih ngak piah palao thun klak saong salam uan thun bahrau, kuhria caga ka sa bilan pala drak bahrau. Tết Aza bhian lac meng harei 6 bingun/ bilan 11 saka aia bulan saong dui atah tal abih harei 24 bilan 12 saka aia bulan. Yaok palei palih ruah sa harei siam di abih dalam tukvak nan piah peih ngak lễ hội Aza.

Lễ hội Aza di bhap bani Pa Cô hu dua janih nan lac: Aza Kan saong Aza Koonh. Aza Kan hu peih ngak yaok thun saong Aza Koonh hu peih ngak 5 thun sa mbang, kayua yau nan ye Aza Kan bhian hu peih ngak sit saong takik adat cambat jang Aza Koonh.

Lễ hội Aza Koonh hu rilo adat dalam nan hu adat than bah, adat pateok but  khamot, adat kuhria caga, adat kakuh dom pajaih phun pala, adat kakuh yang palei, adat kakuh ong akaok ong kei; adat kakuh po yang Azel… saong adat ba palao tuai dmauai. Panap panda piah pok kakuh di  Lễ hội Aza nan lac lisei mbong, ndiuk, har, menuk, ada, pabe, asal pajaih phun pala, "tâng họt" – sa janih bingu ngak meng krem saong khan bai dzèng. Harei lễ hội, tuk taha akaok palei taong kẻng piah khan brei thau, dom baoh sang saong but pajaih dalam palei ngak adat iew yang dalam sang, hadei di nan ba pandap panda tame sang rông di palei piah tame ngak adat praong di Lễ hội Aza Koonh.

Tui taha akaok palei Quỳnh Quyền, palei A Năm, xã Hồng Vân, huyện A Lưới, ini lac tukvak brei mboh hatai iek prong tal dom po Yang, hatai thau dhar phol tal amaik di dom pajaih phun pala, abih di nyu lac amaik phun padai di bhap bani urang bangsa takik labik ini; taphia di nan kakuh likau ka angin siam hajan laghaih, ba mai rilo padai brah ka thun hadei. Ini jeng lac tukvak brei mboh bruk gul pataom di mikva dalam palei.

Tapa yaok ribau thun, Lễ hội Aza di bhap bani Pa Cô daok mbuan si lahik nao. Anak bruk yau nan, Sở Ilamo saong Padhih Thừa Thiên-Huế gam haong Ủy ban bhap bani huyện A Lưới peih ngak Đề án "Khik ramik saong patagok yaom glaong lễ hội Aza". Dalam tuk pasang iek, hu rilo adat cambat, ragam tamia oh daok mboh. Sở Ilamo soang padhih tỉnh hu pataom mek, pabak tame dom tư liệu ka dom ragam tamia, kadha daoh saong adat cambat tanarakun; taphia di nan pachreih dom taha akaok palei pato veik ka rai rah dam dara.

Jalan daok pamoang ngak di puk palei nan lac pasiam hồ sơ ba tagok Mentri Ilamo, Padhih saong Rivang ma-in brei angan ka Lễ hội Aza jeng Inem krung ilamo phi vật thể di negar.

Bruk padang ngak veik saong khik tamo Lễ hội Aza meda pamedeih veik ilamu di bhap bani bangsa takik di A Lưới jang yau khik ramik yaom glaong ilamo bangsa Việt Nam; taphia di nan brei mboh bruk gul pataom dom bangsa./.

Urang lang: Jasi-14/12