Tuk cà phê, padai apuh hu yuak, hu paik blaoh ba tame kho, dom mbang hajan akaok thun bahrau mai tal, lac tuk taha akaok palei Rơ Lah Hum, palei Ia Gri, xã Chư Đăng Ya, huyện Chư Păh, tỉnh Gia Lai pataom mbaok mikva dalam palei di sang rông piah caga ka adat cúng tapen aia. Taha akaok palei brei bruk ka likei dam gheih tangin dalam palei tame glai kaoh phun la-a piah ngak phun nêu trang trí di tapen aia, dom likei dam khang kadang pal mara jah hareik, beik ngak takai kanyar di dom labik jalan tame tapen aia kan nao mai. Dom urang kamei dalam palei caga gùi saong baoh kadhaoh thu piah padang aia. Thei jeng hu bruk ngak, ba gauk kuhria caga piah peih ngak adat di palei.

Tuk bruk kuhria caga hu blaoh blai, di harei ngak adat, taong abih manuac urang meng taha tal meda, likei tal kumei dalam palei oh brei thei nao tabiak truh palei, piah khik linh thiêng ka bruk ngak adat. Dalam harei siam, tuk aia harei bahrau tagok, taha Hum haong mikva dalam palei Ia Gri nao tui taok gauk meng dalam palei tabiak tapen aia. Sa-ai Ksor Nah, urang likei caga pandap paling Yang Ia brei thau: Taha akaok palei cúng aia khan brei karja palei, dom anek kamuan dalam palei  thau piah  caga ngak adat. Pandap paling hu mikva dalam palei rik brei. Dalam nan hu sa drei menuk, sa klaok alak, sa drei pabui. Taong abih anek kamuan dalam harei nan oh brei nao tabiak langiu piah khik ka aia hu ralo saong bingi.

Tapen aia tanjaoh di palei Ia Gri daok kreh ceik Chư Đăng Ya, labik hu mạch aia ngầm jangaih saong la-an bingi nduac meng dalam ceik tabiak. Dahlau di tuk ngak adat, taha akaok palei Hum mek pandap khang taong tame pabui saong menuk. Hadei di nan, likei dam dalam palei ba dom drei menuk, pabui ini tabiak tapen aia piah thik raih mek hatai hajai di anek menuk, pabui caik tagok caik tapai. Rilo daok veik hu ba nao am cuh angaok ghing apui caik di tapen aia. Tuk ini, likei dam dalam palei pak khung la-a hình bán nguyệt prong klauk di akaok tapen aia, klauk phun nêu gah anak tapen aia piah peih ngak adat cúng ai. Bloh taha kaok palei Hum pok sap meroi: “Hỡi yang phun kayau patau, krem, la-a, yang ceik yang glai mai ini haong kol dahlak, gam menyum tapai gam mbang hatai hajai pabui, menuk ini. Hỡi yang craoh Chan, nao tapa ceik, tapa glai, yang Croah  Ai, nao tui ar hamu, yang croah Kleng nao tui gah timur, yang craoh Tong Bră nao tui takai ceik, yang craoh Pok mai haong tanjaoh aia Nguin di khaol dahlak. Harei ini, khaol dahlak ngak adat paling tagok po yang hatai hajai menuk, pabui saong tapai tuh tagok tapen aia piah ka mikva dalam palei hu rai diuk trei sil, khang tangin jap takai, anek taco oh njauk ruak hakik, pandik harao. Likau brei ka khaol dahlak hu ia jangaih, mba mbo.”

       Tamat panuac meroi, taha akaok palei mek sa mbaik gai sit klauk tame nding aia piah ngak ka nyu ralai ro rah. Dalam tuk taha akaok palei meroi saong ngak dom động tác dreh yah ngak “phép”, ye dom likei dam dalam palei daok am cuh rilo pabui saong menuk. Ngak blaoh adat, taha akaok palei  Hum mek baoh kadhaoh thu pandok aia. Hadei di nan, sa urang likei dam dalam palei taduan mek baoh kadhaoh thu bak ia blaoh tuh tame caik tapai. Tuk tapa ba ia, taha akaok palei lac urang akaok meti manyum tapai. Tuk taha akaok palei menyum bloh, dom urang karei dalam palei meng hu menyum. Sa-ai  Yanar, urang jakar Jabat ilamo Thông tin, UB bhap bani huyện Chư Păh brei thau: "Rilo metah, urang caik veik ka Yang. Rilo tasak, bhap bani pataom gauk veik di tapen aia piah mbang menyum meng page tal biar harei. Cúng tapen aia ye oh hu cồng chiêng, oh hu tamia xoang.”

Dahlau di tuk mai veik palei, dom urang kamei hu mbaok pak ini ba baoh kadhaoh thu bo drei caga piah mek aia ba nao sang pandar. Mbaok meta thei jeng hadah hadai, kayua dom urang ini saneng lac adat ndua dhal phol Yang aia hu ngak blaoh, meng ini tal abih thun, Yang Ia meda brei ka mikva dalam palei hu ralo aia, thei thei jeng jap karo, khang kadang, bui sambai.

  Ong Nguyễn Quang Tuệ, akaok jabat khik ramik drap ar ilamo, Sở Ilamo padhih saong rivang ma-in tỉnh Gia Lai brei thau: “Gam haong sang rông, tapen aia di urang Jrai nan lac labik biak praong, sa thun njauk cúng sa mbang. Manuac urang cúng yang aia, ndua dhal phol halau aia hu brei ka urang hu aia hacih piah pandar. Urak ini ralo baoh sang hu bingun aia, aia mac, min mikva dalam palei jeng nao tal tapen aia piah gui aia mai sang pandar. Aia nan lac aia ngầm, labik halei daok tapen aia ye daok hu adat cúng yang aia. Dalam palei oh daok labik halei piah ngak tapen aia ye oh daok adat cúng yang ia tra. Dalam hatai di mikva ye jeng daok saneng tal tapen aia .”

   Adat cúng tapen aia di urang Jơ rai nyuc ndung bak ilamu menyum aia hadar tal halau aia, saong tapa nan nyu brei mboh bruk gul pataom di yaok buôn palei Jơ rai./.