Pagui mek anek asau juk piah ngak pandap mbang ieu yang

  Adat kakuh yang palei di urang Si La hu peih ngak di bilan sa yaok thun dahlau di tuk puk palei tame bilan pala drak bahrau, piah tadhau ayuh ka abih menuac sia yam tapa thun bahrau hu khang kajap prein yava, haniem phul, sron mbon, hu raidiuk trei sir, pala drak njauk, hu rilo padai brah.

Dahlau di tuk peih ngak adat jaik sa adit, puk palei pataom gauk ginum biai, pilih ruah harei piah ngak; saong pilih ruah sa urang likei praong thun, thau cambaih adat cambat tanarakun, hu angan je, hu menuac sia dalam palei anit ranam, iek glaong piah ngak gru ieu yang.

Yaok sang brei hu sa urang likei khang kadang, gheih tangin, joi ngak puh cakak, thau man pateok piah lambaok ka sang tame bruk di puk palei. Tal maong siam, harei mekre hu pilih ruah blaoh, gru ieu yang saong bhap bini pataom gauk padang pabang pakauk di jalan tame palei. Tui nan, dua mbaik gheng lac dua phun praong, sa mbaik kayau gar gah angaok hu padang biak kajap. Mangaok gai kayau gar hu klauk dom pandap hu thaot binguk mũi giáo, phao, kiếm saong rilo “plạ” – hu pak meng kreim, la-a hu thaot binguk yau mata “anek cáo” (dreih yau thoat binguk “ta-leo” di urang Thái, Cống… saong hu mboh rilo dalam dom adat cambat praong di dom bangsa ni). Langiu di nan, bhap bini daok padang dua paok phun pajaih phun dong riềng di dua gah gheng pabang pakauk. Sa talei atah hu pak meng hareik gianh saong sa talei hu pambuak meng dom vòng tròn sit pak meng kreim, pagam tame gauk jeng hu tuan tagok pabang pakauk.

Ngak salah bruk padang pabang pakauk, gru ieu yang pato tacei urang ngak dom adat cambat, piah pacang cakak dom bala, dom bruk oh siam njom tame puk palei. Urang Si La saneng lac dunya hu klau tal, lac: langik, taneh saong dalam haluk, nan ye tuk ngak adat, urang ieu yang meroi daa dom yang ceik, gilai, kraong ribaong… mai mbang pandap kakuh. Hadei di nan, urang meng langkan, caong maong dom po yang sraong daong ka bhap bini hu prein yava, puk palei hu saron mbon, jum pataom, ngak mbang patuah jamo, puh cakak hu siam mekre, kraong ribaong hu rilo ikan, var ro hu rilo athur, manuk ada.

Tuk gru ieu yang ngak blaoh adat, urang meng ngak pandap mbang meng dom drei athur pok kakuh yang lac 1 drei asau juk, sa drei manuk patih saong sa panyin brah, peih bruk khik ginup adat di labik padang pabang pakauk.

Dalam luac tukvak ngak adat kakuh yang palei, puk palei oh brei menuac tame, tabiak. Kayua urang saneng lac, mayah urang halei tabiak truh palei meda ba nao abih dom bruk siam mekre, patuah jamo; daok mayah hu manuac karei tame puk, dom bruk jhak, oh patuah meda tui tame saong dalam thun nan bhap bini dalam palei meda hu ruak kik, pala drak oh hu. Dalam dom harei rah tabiak adat kakuh yang palei, manuac dalam palei oh brei khang sap puac mesao gauk, bo njauk ndem puac  siam mare, anit ranam gauk, jum pataom gauk.

Adat ni brei mboh bruk peih mbaok ka sa thun ngak mbang pala drak di urang Si La. Kayua hadei di tuk ngak salah adat kakuh yang palei, harei hadei, bhap bini meng nao pala drak. Tapa adat kakuh yang palei, bruk jum pataom gauk di urang Si La hu khang kajap jang. Ni lac sa ilamu siam mekre hu bhap bini Si La daok di Nậm Sin khik ramik saong cak rok patagok./.

Urang lang: Thu Thảo – 16/03