Pathau mikva! Urang Cơ tu nan lac sa dalam dom bangsa takik daok lavik rai di bhum taneh Trường Sơn Tây Nguyên. Bangsa ini hu adat kết nghĩa biak gheih.

Meng kan mai urang Cơ tu drei kết nghĩa haong palei, haong xã ayut atau huyện sahabat. Kết nghĩa ka bruk taneh glai, taneh riya di palei ini haong palei karei ka mikva drei njauk gul pataom gauk. Nao mek Cim, nao mek kayau, nao apuh piah ka dua puk dalam palei oh thắc mắc, njauk gauk,, daong gauk, tuk hu bruk bui sambai ye daa gauk.

Taha palei A Lăng Bình, xã A Vương, huyện Tây Giang, Quảng Nam langyah cambaih laih ka adat kết nghĩa di urang Cơ tu palei ong. Tui sap Cơ tu, adat ini hu urang Cơ-tu di 3 bhum glaong (Cơ-tu đriu), trung (Cơ-tu nal) saong bhum biar (Cơ-tu phương) iew pataom veik lac Pơ-ngoót – Hội ăn thề kết nghĩa adei sa-ai di dua palei Cơ-tu haong gauk.  Bruk ngak nan lac kak kajap talei gul pataom di bhap bani Cơ tu di palei ini haong palei karei, xã ini haong xã karei. Panuac khan di taha C’Lâu Nâm, palei Pơrning, xã Lăng, huyện Tây Giang saong ong A Lăng Bình:Kết nghĩa haong xã ayut, haong palei sahabat, meng adat kết nghĩa ye drei kak kajap haong gauk, drei oh meriak gauk. Mong yau dua ayut, xã ayut jia ranam. Kết nghĩa iew lac gul pataom.

Anek manuac di urang Cơ tu njauk kết nghĩa, oh kết nghĩa hadei ini nyu  lahik nao, nyu lahik puk, lahik palei, lahik abih mikva drei. Hu kết nghĩa po langik meng daong ka drei dalam dua palei, dua huyện, dua  xã.

Bhian di nyu, palei Cơ-tu haleitabiak panuac daa dahlau ye palei nan njauk kuhria caga pandap mbang menyum, pandap ngak yang lac dom drei athur hu tasau hu 4 takai yau: pabui, lasa, takuh... Daok palei Cơ-tu hu daa meda kuhria caga dom pandap mbang, pandap ngak yang lac dom drei athur oh hu tasau yau: menuk, chim, ikan... saong dom janih njam glai. Taong abih pandap ngak yang, pandap mbang menyum jeng hu ba tal sang  Gươl di palei hu daa piah ba gauk mbang menyum bui sambai. Bruk njauk biai nan lac, urang pandar darah menuk, 1 drei menuk, ikan am, bao, takuh pambu thu, alak piah da-a yang. Blaoh blai, dom urang ni mek darag menuk uah tagok dhei di gauk, brei mboh hatai gul pataom oh hagait salih hu di dua palei. Blaoh jak gauk mbang menyum, daoh nao mai, ginum biai bruk ngak mbang ngak huak dalam harei bui sambai di bhap bani. Meyah dua palei kaya meda, ye hu ngak kabao piah mbang.

Langiu di nruk kết nghĩa palei ini, palei diah, puk ini, puk diah, daok hu bruk kết nghĩa di urang ini haong urang daih. Ong A Lăng Bìnhbrei thau:Dom kamuan oh rabdap tame likau kết nghĩa jeng hu. Drei takre urang halei di huyện halei, xã halei kết nghĩa jeng hu abih.

Kết nghĩa urang ini haong urang daih hu  hagiat karei adat kết nghĩa palei ini haong paklei daih halei oh?

Yau gauk abih. Jeng sik kabao meyah drei hu jien./.