Chol Chnam Thmay daok ieu lac tet raok thun barau di urang Khmer gah meraong lac adat praong saong hu maong akaok di abih dalam thun. Thun ini, Chol Chnam Thmay  hu mikva Khmer peih ngak dala dom harei 14, 15 saong 16/4. Dalam dom adat hu rah tabiak dala klau harei, adat padang ceik cuah hu mikva Khmer peih ngak di harei ka dua di Chol Chnam Thmay. Padang ceik cuah lac adat ngak  công đức, likau phước ka sang… tabhia nan daok brei mboh bruk jum pataom di Phật tử saong bhapbini dalam bruk pasang iek ka baha, libik hu pagap yau pasak ilimo di bhapbini Khmer. Daa mikva saong grauk yut duah thau adat ini di ban raya Hồ Chí Minh tapa kadha vak di Ái Nghiêm, urang vak di rayo ndom Việt Nam:

-Tết meng kan Chol Chnam Thmay, daok ieu lac adat pauan thun barau di bhapbini Khmer hu peih ngak di bilan 4 saka ia harei yaok thun. Tukvak ini lac tuk salih meng bilan pandiak tapa bilan hajan. Ini jeng lac tukvak tame bilan pala drah ngak nong tui sakavi ngak nong mengkan di urang Khmer.

-Chol Chnam Thmay dui atah dalam klau harei. Harei akaok mereip hu ieu lac harei “sangkran”, lac harei raok quyển Đại lịch” (Maha sangkran), hu makna raok thun barau. Harei ka dua lac harei “Wonbot”, meng dah page urang ba gauk caga nao tal baha piah kakuh phật saong abih di nyu nan lac oh var ba pandap mbang piah pok tagok ka dom sư sãi dalam baha. Harei ka klau daok ieu lac harei “Lơn Sak”, ngan saong dom adat praong lac cầu siêu saong menay tượng Phật. Dalam dom adat hu rah tabiak dalam klau harei ye adat padang ceik cuah hu ngak di harei ka dua di Chol Chnam Thmay. Min dahlau di padang ceik cuah, mikva urang Khmer bhian tahanek lisei meng aval saong cala pok tagok ka dom sư sãi. Bair harei nan, urang ba gauk tame  baha piah ngak adat padang ceik cuah.

-Sư  Tăng Ngọc An, Trụ trì baha Pothiwong, Phường 10, Quận 11, ban raya HCM brei thau: Padang ceik cuah lac adat ngak  công đức, likau phước ka sang… tabhia nan daok brei mboh bruk jum pataom di Phật tử. Dom sư dalam baha tacei pato phật tử ngak adat cầu an, cầu siêu, menay phật di baha. Bruk ini lac daong mikva ngak pahla di 3 harei tet, tabhia nan khik veik ilimo mengkan di mikva bangsa Khmer.

-Padang ceik cuah lac sa adat caik veik tui dalikan ka sa urang ngak bruk man pateok athur. Dalikan khan lac, meng tuk daok sit tal taha urang man pateok athur ini pametai biak rilo  athur. Tall tuk taha, ông tuk halei jeng mboh dom janih athur bo ông cuh tuk halei jeng mai ndok suan yava ông. Min, meng ông hu sư sãi tacei pato padang ceik cuah piah pataom phước. Ông ndom biai saong dom dom drei cim brim meyah caong ndok sraiy ông njauk ba nao abih dom asar cuah bo ông padang. Min, dom janih athur oh ngak jeng, njauk ba gauk nao, meng di nan ông thợ săn taha kham merat tích dức ka tal tuk nao trun cõi phật.

-Piah padang ceik cuah, urang pandar cuah hacih tuh jeng tambok gah lingiu hành lang anak mblang baha. Tui tacei pato di dom ông Achar, urang mek cuah padang jeng 9 baoh ceik sit hu 8 tabung di 8 gah saong sa tabung di gah kreih. Tabung kreih tượng trưng ka pasak baoh taneh, daok veik tượng trưng ka 4 bhum, 8 gah di lingik tasik alam dunya. Padang ceik blaoh, urang mek krem atau gai karei caga vil taom dar 9 baoh cek ini. Patui di nan lac tal adat quy y ka ceik, tal harei hadei ngak adat xuất thế.

-Sư Danh Lung, Trụ trì baha Candaransi(Chăntănrăng Sây), Phường 7, Quận 3, ban raya HCM brei thau: Ini lac ilimo kheih mekre di bhapbini urang Khmer. Ini jeng lac bruk kheih di Chol Chnam Thmay, yaok adat dalam harei ini jeng hu makna đặc biệt, biak nhân văn. Meng di nan, daong ka bhapbini urang Khmer njauk thau ngak habal piah khik hu.

-Taong abih dom adat ini tal harei ini hu khik veik ieu lac Anisong Puôn Phnom khsach, lac phúc duyên padang ceik cuah. Adat padang ceik cuah hu makna pacang but khamot saong dom bruk jhak, tabhia nan pahadar urang njauk tích dức piah dak harei dak praong, glaong yau ceik saong pambak tabiak grauk bhum, grauk gah.

-Urang Khmer yaom lac jar var tal halei ye tết mai jeng njauk nao baha, abih di nyu nan lac pataom tame padang ceik cuah. Bhapbini maong ini lac bruk hadar tal amuk kei saong gam tích dức piah raidiuk hu siam mekre jang./.