Adat paling Yang di urang Mạ daok di Dong Nai

          Tui Địa chí Đồng Nai, urang Mạ hu rilo menuac dang ka 10 dalam dom bangsa adei saai di tỉnh Đồng Nai. Urang Mạ daok pataom gauk di huyen Định Quán saong daok rah di Tân Phú. Urang Mạ jeng lac menuac daok meng livik rai saong hu rilo adat cambat tanarakun. Bruk ngak mbang kak kajap saong bruk ngak nong nan ye yaok thun urang Mạ hu rilo adat paling yang. Urang Mạ jia lac abih janih jeng hu pô yang, yau ye ceik, glai, patau praong, phun kayau, cim brim, kraong craoh…Yaok sa janih kayua sa Yang khik ramik. Yang meda ba mai siam mekre min jeng meda ba tal bala, yau nan ye njauk ieu Yang yaok thun. Dalam dom rija roya ngak nong ye praong abih lac harei ieu Yang padai. Adat ieu yang padai rah tabiak meng bilan dua tal bilan klau (saka ia bilan)

Piah caga paling yang, urang mek dua phun krem meda, kaoh jhung hu kak “chùm gai mây” salih ka bingu padai. Dua phun krem ini lam anak sang, yaok bingu hu kak tame sa panyin lisei sit. Angaok phun krem hu trang trí dom thaot binguk sinh động, ala goc hu caik alak cần. Adat ieu yang hu peih ngak di tuk melam saong tui jien padai di sang bo pandap paling Yang meda lac kubao, limo, pabui, menuk. Po sang pok panuac likau Yang brei ka padai tamuh siam, raidiuk takik kan kandah. Harei hadei po sang payak mikva, puk paga. Bruk payak meng alak cần pagam saong taong cieng, daoh ragu daoh bhapbini.

-Urang Mạ jeng hu adat ieu yang glai dreih yau urang Châu Ro. Urang paling yang glai di tut tết di sang “tôm bri”. “Tôm bri” lac taha palei lambaok khik caga chủ quyền, taneh riya puh pakak saong libik glai di dom urang nan daok. Piah ngak adat ieu yang glai, bhapbini urang Mạ dalam palei rik pataom kaya pandap da-a Yang, blaoh taha palei pok panuac meroi likau siam mekre ka menuac sia, puk palei./..