Urang kamei pataom gauk tapen chraoh piah raco akaok 

Meng muk kei khan lac: Raco akaok harei Tết di bhap bini Thái kak kajap haong dalikan Nàng Han, 1 nữ tướng, anek kumei di ong akaok sa but pajaih ja ngak likei ba lin nao taong kol khamang, pagui pateok tal tapen negar Mường Xo (huyện Phong Thổ, tỉnh Lai Châu urak ini) ye khamang nduac dhit abih. Tuk nan jeng lac harei 30 Tết, biar harei nan, Nàng Han brei lin padeih padei, menei raco akaok piah uan jayah saong raok thun bharau.

Meng nan tal harei ini, urang Thái bhum kraong ia Quỳnh Nhai, (Sơn La); Mường Lay, (Điện Biên); Mường Xo, Mường Tè (Lai Châu) saong dom bhum karei jeng daok khik veik adat ini, nan lac adat “Lung Ta” (trun mblang ia ngak adat raco kaok) piah hadar tal amuk saong piah uan thun bahrau, mbang Tết bui sambai.

Hadei di var lasei puac thun jala pandiak 30 tết, meng taha tal ranaih, meng likei tal kumei jeng tabiak kraong, craoh piah raco akaok. Opo sang ba tui kiếm saong “Thung Xanh” (lac kadung meng khan bai caik bùa hộ mệnh saong pandap ginreih – tui hatai sahneng di urang Thái). Kumei ba tui pako ia brah atau bồ kết piah raco akaok. Lingiu di nan, oh kurang hu menuac taong hagar, paoh chiêng brei thau 1 thun bahrau daok mai tal puk palei.

Tui adat cambat meng kan di bhap bini Thái, yaok palei jeng hu mblang ia karei saong urang likei menei mblang angaok, urang kumei menei mblang gah ala. Urang mek dhar kayau hijao njuk tame ia kraong bloh jan sit sit tagok mbuk rilo mbang ka nyu pasah. Dom panyin ia brah hu tram ka nyu mesam gam haong ia hu tuh tagok, yau brei mboh dom siam mekre ka harei paguh yam tame thun bharau.

Amuk Lò Thị Phái, phường Đông Phong, ban sit Lai Châu brei thau:“ Tui adat cambat di urang Thái njauk raco akaok tết. Di biar harei 30 tết abih menuac dalam palei raco akaok harei tết piah pateok nao dom kanjah jhak, dom bruk oh patuah jamo di thun klak. Likau ka thun bahrau hu siam mekre". Hadei di tuk menei raco, mikva pilih ruah labik cuah hacih di abih ba mai sang piah salih bát hương ka thun bahrau. Menei raco hacih bloh, urang likei dalam sang meng hu nao tal papan kakuh muk kei piah cuh gilau. Daok urang kumei ye ngak dom pandap mbang, ahar meneing meng kan, rami ramik sang danaok, caga khan ao bahrau ka abih menuac dalam sang. Dom dam, dara kak dom baoh “còn” ginup sambo màu hadah tanjak, me-in dom kadha meng kan saong sap hagar tamnia xòe yava tagok. Ong Điêu Chính Ké, daok di phường Tân Phong, ban sit Lai Châu khan lac: “Tui hatai sahneng di urang Thái raco akaok harei tết brei hu ia brah haong bồ kết. Hadei di tuk menei raco palao bala, pateok dom ruak kik di thun klak, rao seik tui ia nao miat oh mai veik bloh meng hu ramik ramik papan kakuh caga dom pandap cúng muk kei yau: pabui, menuk, baoh kayau, bingu saong dom janih ahar meng kan harei tết…”

Adat raco akaok harei Tết urak ini jeng daok hu khik dalam yaok baoh sang urang Thái, adat ini hu jeng sa ilamu siam mekre meng kan mai daok hu urang Thái iek praong saong khik ramik./.

Urang lang: Mousaphuong-  1/2