Baoh sang lac labik rah tabiak dom inem mek caik veik di rai anek menuac, lac labik anit ranam di abih di sa anek menuac. Kayua yau nan ye, dahlau di tuk tame sang bahrau, urang Thái njauk ngak dom adat uan sang bahrau. Dalam harei ngak adat uan sang bahrau nan, oh kurang hu sap daoh, dom ragu tamia xoè tadhau ayuh ka po sang.

  Ngak sang bloh hu harei siam bilan siam, po sang tame daok sang bahrau. Adat tagok sang bahrau lac sa bruk biak praong ngan saong urang Thái. Piah ngak adat ini, tuk halei jeng brei hu sa gru ieu yang dalam palei dang tabiak ngak..

Ong Lò Văn Đôi, daok di bản Na Ten, xã Thanh Nưa, huyện Điện biên, tỉnh Điện Biên, brei thau: Ngak sang bahrau bloh, tal adat tagok sang bahrau. Po sang pan sa baoh nin hu sa bó đũa klauk tame nan. Diuk di po sang njauk cuk sa kik menyim. Gru ieu yang nao sa mbang tagok kanyan, peih panuac ndom sa kadha ka adat likau but, khamot, yang taneh, hu harei siam bilan siam ye tagok sang bahrau. Likau pô lingik, yang taneh daong ka diuk pasang, anek taco sang ini ngak mbang hu ginup meda.. Dahlau daih hu sa urang daok dalam sang bloh, nan lac pô sang, urang lambaok njauk lac dom menuac ngak mbang siam,, umo thun lagaih haong po sang. Gru iek yang meng pok sap lac po sang lơi, daok di sang halei oh? Hadei di tuk po sang javap jalei lac hu, gru ieu yang meng lac: Harei ini lac harei siam bilan siam, dahlak ba menuac di sang tagok daok sang ini, likau po lingik daong brei ngak mbang hu. Ong daok dalam sang lac, hừ tagok nao, meng harei ini nao ngak mbang hu ginup meda, anek taco siam mekre, naih gheih. Tagok sang bloh, menuac gah diuk nao ngak sa baoh ging, lum 2-3 candaih kiak. Candiak kiak anak mbaok drei njauk caik sa  đồng bạc, atau dom hào, meyah oh hu bạc ye caik jien ba-ar tame, bloh meng hu cuh tagok. Gah diuk di pô sang meng hu quyền, daok urang karei oh hu quyền.

Dalam adat uan sang bahrau, po sang bhian ngak sa drei pabui praong 50 kg, saong menuk, ikan... piah da-a adei sa-ai nội ngoại, mikva puk paga mai mbang. Urang mai hu mbaok jeng hu hasit pandap uan ka po sang, meda lac jien, atau klaok alak, panyin brah. Tui ong Mào Văn Ết, Hội Văn học nghệ thuật tỉnh Điện Biên, dalam adat uan sang bahrau, bui sambai di abih lac bruk daoh uan sang bahrau: Daoh tadhau ayuh ka po sang, lac po sang mek kayau meng halei, mek kayau meda ngak suan adat glai halei oh, yang glai njauk hatai brei mek halei oh, yang kayau, yang glai, yang ceik njauk hatai halei oh. Urak ini dom yang nan brei mek mai ngak sang ye ngak mbang hu ginup meda kol dahlak meng pachreih tui. Daoh tadhau ayuh po sang, hadei di nan urang menyum alak bui sambai haong gauk, tamia vòng xoè, bloh tal daoh pandao gauk.

Daoh uan sang bahrau lac daoh tui jalan daoh ariya di urang Thái. Panuac ariya bhian tabiak meng hatai pachreih tuk daoh piah tadhau ayuh ka po sang hu baog sang mekre, anek taco khang kajap. Po sang javap jalei veik meng panuac dhar phor adei sa-ai, gauk gar, mikva puk palei mai daong dalam tuk ngak sang.

Kadha daoh uan sang bahrau ini kayua ong Lò Văn Đôi daok di bản Na Ten, xã Thanh Nưa, huyện Điện Biên daoh. Asal di kadha daoh ini hu ong Đôi khan lac yau ini: Dahlak daoh lac sa-ai ngak sang bahrau. Dahlau daih sa-ai hu sa baoh sang taik tahak, min sa-ai biak tari taring ngak mbang, bloh sa-ai tapa hamu, tagok puh meng nao duah kayau dalam glai, pilih ruah janih kayau halei siam, bloh tal dua klau thun, dua klau vụ padai meng ba kayau mai ngak sang. Hu pren rik daong di puk paga, adei sa-ai thau jum pataom gauk, hu bruk sangka di đảng karja hu sa baoh sang bahrau, adei sa-ai harei ini pilih ruah harei melam siam tagok sang bahrau, uan sang bahrau, lambaok ka sang ka adei sa-ai uan tabuan bruk sangka di dom sa-ai, dom wa, dom sa-ai mai bui sambai haong sang.

Tuk nan angaok baoh sang bahrau nan, abih gauk meng taha tal ranaih jeng pan tangin gauk yam xoay vòng tui ragu xòe “khắm khen” saong dom ragu: “khấm khăn mời lẩu”, “phá xí”, “đổn hôn”, “nhôm khăn”, lac dom ragu xoè meng kan mai di urang Thái, brei mboh bruk jum pataom gauk di adei sa-ai dalam but pajaih, dalam puk palei, brei mboh hatai anit ranam gauk di anek menuac haong gauk, tuk halei jeng kak kajap gauk, bui sambai tuk hu sang bahrau.

Urang Thái lac sa dalam 54 bangsa di taneh ia drei, daok rilo di dom tỉnh Tây Bắc, Thanh Hoá, Nghệ An. Urang Thái daok pataom gauk jeng yaok làng bản, takik daok meblah haong dom bangsa karei. Meng kan mai mbiah tal urak ini, mikva daok dalam baoh sang glaong, laneng lahơi, ngak jeng ilamu karei di drei./..