Ia tut meng ratak đậu nành nyu biak bhian randap saong kak kajap  haong bhap bani Thái bhum Sơn La. Pahe di ratak ủ kỹ gam haong hang hang di plang, baoh mariak ngak brei pachreih jang di kaya mbang.

Piah ngak hu ia tut ini, urang Thái caga ratak đậu nành hu pambu thu bloh saong tapei ka nyu hacih. Ratak hu ba nao tram aia ka nyu ndah tagok, tuk  limin, rao hacih kanduh caik ka nyu la-ar saong thu aia. Mikva mek hala patei hijao rao hacih , ba pambu thu piah tapok ratak  hu tuk limin, ba caik angaok ghing meng  5 – 7 harei ka ratak tagok men.

Ong Cà Văn Hịch, daok di bản Co Pục, xã Chiềng Ngần, bal  Sơn La, brei thau: “Pandap piah ngak aia tut ini lac đậu tương nếp, kayua lac janih ratak ini nyu bở, tuk ủ tagok men samu gauk saong tuk thaok meng klik hu. Daok meyah pandar đậu tương tẻ ye oh bingi, thaok nyu oh klik”.

Hadei di tuk ủ ratak meng 5 – 7 harei, mikva ba tabiak thaok, srau haong tỏi, amaraik, plang, sara. Piah ka aia tut hu pahe saong bingi ye njauk thaok ka nyu klik. Thaok blaoh, tuh  alak mbong srau samu tagok, buh tame hũ sành caik labik thu, lahei. Hadei di 5 – 7 harei meda ba tabiak mbang hu. Tuk mbang, njauk mbang gam haong njam atau hala tỏi cakak sit

Aia tut ini meda piah hu lauc thun dalam hũ pacang sir. Daok hu sa jalan ngak karei tra piah khik hu suai lavik lac hadei di tuk thaok klik ratak blaoh, mikva tapat jeng har vin, dẹp blaoh ba nao pambu thu, caik di sang ghing. Tuk pandar, ba trun ghang angaok ghing apui piah ka har ratak kanjik pahe, blaoh thaok klik srau haong hasit aia pandiak caik la-ar, buh hasit njam mùi nan lac hu sa jaluk aia tut pahe bingi.

Mikva urang Thái oh lac tok pandar aia tut ini dalam dom van mbang huak yaok harei,  bo daok ngak piah pablei. Aia tut ratak ini meda pandar piah tut haong ralo janih kaya mbang yau ndiuk, ralaow pabui, ralaow menuk,… tal dom janih njam metah, njam tuk, rabung tuk…