Tame tal palei Kon Pring, xã Đăk Long, huyện Kon Plông, tỉnh Kon Tum tuai damuai hu ba drei tame labik gheih mekre di ceik glai; hu duah thau ka ilamu meng kan di urang bangsa Sê đăng; hu pang sap kong chieng, tamia xoang menmg kan; hu mbang menyum dom janih pandap bingi pahe biak karei yau: manuk am, lisei lam, lẩu manuk sâm dây, ikan di craoh, amriak kalu glai, alak nghè diuk cẩm…Meng patagok hu bruk jum pataom, langik tasik taneh riya gheih mekre saong hu rilo janih pandap mbang bingi ndung biak ilamu meng kan, tok hadei di 1 tukvak oh suai lavik tui ngak dulich cộng đồng, palei Kon Pring hu jeng labik mai tal di rilo tuia damuai dalam saong langiu negar. Sa-ai Nghiêm Thị Anh Đào, urang tuai daok di Ban raya HCM mai main Kon Pring brei thau: “Drei mai labik ini drei caong khin duah thau dom siam gheih di labik ini. Drei mboh mikva pak ini biak siam hatai, iek praong tuai damuai.”

Dahlau di ini oh ka suai, 70 baoh sang urang bangsa Sê đăng daok di palei Kon Pring oh thau hagait tal bruk ngak dulich bhap bini. Hu bruk tacei ba di jakar huyện Kon Plông saong sa-ai Nguyễn Thị Thùy Trang, Công ty TNHH Một thành viên Du lịch Măng Đen Đại Ngàn, mikva pak ini meng pasram ngak du lịch. Ngak po sa kuan pablei ia saong pandap panda sit sot ka tuai mai rivang Sang rông di palei, sa-ai A Tâm brei thau, bruk ini dahlau diah diuk pasang sa-ai oh sahaneng tal. Urak ini mboh lagaih saong raidiuk jeng yau prein yawa di drei:“Umo taha ye, dua diuk pasang dahlak oh thau ngak hagait. Khol dahlak sahaneng peih kuan sit pablei ka tuai mai dulich. Kuan pablei ia haong dom janih pandap. Tapa nan jeng duah hu jien tame piah iek glang pren yava.”

 Piah pachreih bhap bini palei Kon Pring ngak du lich cộng đồng, karja huyen Kon Plông hu daong labaih 3 tỷ đồng ngak jalan bêtông, buh jien tame ka 3 baoh sang ngak homestay taduan raok tuai mai ndih. Piah pabak ilamu ngak  dulich ka mikva dalam palei, karja huyen hu ba mikva nao rivang iek bruk ngak dulich di bhum ceik gah Barak negar…Sa-ai Y Lim, urang ngak po sa dalam 3 homestay sahaneng mboh cambaic bruk di yaok bhap bini dalam tuk ngak dulich bhap bini saong sa-ai lac urang pambuak bruk jum pataom tuk halei jeng ba akaok nao dahlau dalam dom bruk ngak: “Dahlau di abih palei brei hacih sa-at, hu phun kayau hijao. Dua tra, oh lac eng dahlak saong sang homestay ini. Ngak dulich ye taong abih mikva dalam palei jeng njauk ngak dulich. Brei ngak hu pandap panda. Dom hagait drei ngak tabiak jeng meda pablei hu ka tuai dulich, yau tea dây, yau alak nghè, giảo cổ lam, amariak kalu glai. Mikva ba gauk ngak dulich.”