Pandar akaok “đầu đọc” piah quét mã QR-Code di mangaok ứng dụng VssID

Piah ba mbuan lagaih ka bhap bini blei bảo hiểm y tế tuk nao ngak bruk, bac taa, du lịch… di tinh, ban karei bo lahik thẻ BHYT atau thẻ BHYT tahak, khut… caong hu ngak viek, salih thẻ (bo oh salih angan je) piah nao iek ruak, Bảo hiểm xã hội Việt Nam ieu kakei BHXH pakat tỉnh, pakat huyện pato tacei bhap bini pandar smartphone pandar "VssID - BHXH số" saong pandar thaot binguk thẻ BHYT di mangaok ứng dụng ni piah iek ruak, taong ruak meng BHYT, bo oh cang ngak veik thẻ BHYT ba-ar.

Meyah bhap bini blei BHYT bo oh pandar smartphone, BHXH pakat tỉnh, pakat huyện meda ngak viek, salih thẻ BHYT ba-ar tui  mẫu thẻ BHYT bo bảo hiểm xã hội hu tabiak blaoh di sarak ka 1666 harei 3/12/2020.

Dahlau di nan, BHXH Việt Nam hu tabiak adat lac, BHXH huyện, tỉnh halei ye ngak veik, salih thẻ BHYT ka thẻ oh salih angan je di huyện, tỉnh nan. Urak ini, tui adat bahrau di BHXH hu pasiam, pabak bruk mek jien BHXH, BHYT, bảo hiểm lahik bruk ngak, bảo hiểm bala tuk ngak bruk – ruak bhian gaok tuk ngak bruk, khik ramik sổ BHXH, thẻ: dalam nan, Bảo hiểm xã hội huyện, tỉnh hu thẩm quyền ngak viek, salih thẻ BHYT (bo oh salih angan je) tui mẫu thẻ BHYT bahrau ka urang blei BHYT di dom huyện, tỉnh karei.

Yau nan, urak ini, urang blei BHYT meda pandar thaot binguk thẻ BHYT di mangaok ứng dụng VssID salih ka thẻ BHYT ba-ar piah nao iek ruak, taong ruak di pak halei, di tuk halei jeng hu bo oh huac padieh bruk iek ruak, taong ruak tuk oh patuah thẻ BHYT  khut atau lahik yau thẻ ba-ar dahlau dieh.

Labik iek ruak, taong ruak pandar akaok “đầu đọc” piah quét mã QR-Code atau vak tapak số thẻ BHYT di mangaok ứng dụng VssID (ngan haong dom labik oh hu đầu đọc) saong hu dom jalan ngak piah pacang pambak tame bruk nan piah duah laba ka drei meng kadung jien iek ruak, taong ruak BHYT.

Daok meyah lahik atau khut thẻ BHYT ba-ar bo oh pandar smartphone, urang blei bảo hiểm y tế meda nao tal jabat BHXH labik jaik di abih piah salih veik thẻ (oh salih angan je), oh kuhria labik.

Meda ndem lac, ngan haong dom adat hành chính hu salih bahrau ini, BHXH Việt Nam daok nao kajap haong bruk salih bahrau hành chính di gah BHXH lac mek bhap bini ngak pasak piah duh pamere, daong menuac blei BHYT hu mbuan lagaih jang dalam bruk iek ruak meng BHYT, takik bruk nao mai saong ngak bruk  tapak haong jabat BHXH. Ni lac jalan ngak biak hu makna, abih di nyu nan lac dalam tuk jit ruak COVID-19 jeng daok rah tabiak sarau kadau di rilo tinh, ban yau urak ini./.

Urang lang: Thu Thao – 21/12