Bhapbini Cam xa Phuoc Nam bui sambai rok harei mbang Muk kei 2017

          Xã Phước Nam, labik hu rilo bhapbini Cam Bà Ni di huyện Thuận Nam, tỉnh Ninh Thuận daok uan ruak harei mbang Muk kei -Ramưwan thun 2017,  rah tabiak di dom harei 24, 25 saong  26/5. Duk saong dom thun, thun ini mikva mbang muk kei bui rilo kayua raidiuk dak harei dak salih barau, sang kathaot dalam xa trun samal, urak ini tok daok 4,6% sang kathaot. Ai Nghiem – urang vak di rayo sap ndom VN daok di ban raya Hồ Chí Minh hu kadha vak brei thau ka bruk ini:

       Sang ông Bá Văn Dậy daok di palei Ram 2 ( Van Lam 2) xa Phuoc Nam huyen Thuan Nam mbang muk kei – Ramuwan thun ini bui sambai jang, tuk 7 urang anek di sang hu bruk ngak tani tanat. Dahlau thiah, sang ông diukrai pagam pambak tame  5 sào padai, jien mek tame  oh tani tanat, raiduk gaok rilo kan kandah, min diuk pasang ông Dậy tuk halei jeng sangka tacei pato, pachreih dom urang anek bac megru, tui ông sahanneg, tok hu bac daa glaong meng salih hu raidiuk. Thau hu bruk glaih glan di amaik ame, 7 urang anek di ông thei jeng kham merat, dalam nan hu 6 urang anek bac tamat Dai hoc saong hu bruk ngak tani tanat, daok ngak bruk di dom jabat dalam tỉnh, huyen saong langiu tỉnh. Thun halei jeng yau nan, tal Ra mư wan, sang ông pataom gauk piah ngak pay nung, sakaya pok paling muk kei, likau ka hajan siam angin lagaih, anek taco dalam sang hu pren yava khang kadang saong jak jeng dalam raidiuk. Ông Dậy khan lac :"Sang dahlak thun ini mbang ramuwan biak bui sambai, ngak mbang jeng siam lagaih. Sang hu dom urang anek hu bruk ngak tani tanat, oh hu daok kan kandah ye dahlau thiah, tapa thun barau, sang jeng caong khin dom urang anek hu pren yava khang kadang, ngak mbang jak jeng, dak padang sang danaok tani tanat"

             Dom thun jaik ini, bhapbini xa Phuoc Nam hu jhul khang bruk salih phun pala saong pandar alamu barau tame pala padai tui mo hinh 1 njauk 5 trun, meng nan hu paglaong nang suat phun pala saong patagok jien mek tame ka sang. Raidiuk di mikva dak harei dak patagok, puk palei sang danaok hu padang barau laneng lahei. Taphia nan, dom sarak di Đảng saong karja ka bhapbini bangsa tuk halei jeng hu xa Phuoc Nam sangka, abih di nyu nan lac sang kathaot, yau nan ye  sang kathaot dalam xa trun samal yaok thun, urak ini daok 4,6% sang kathaot. Uan tabuan meng bruk salih barau di mikva dalam palei, ông Châu Tỏ, akaok palei Văn Lam 2, xa Phuoc Nam, huyen Thuan Nam lac :"Ramuwan thun ini hajan siam angin lagaih , ngak mbang hu jien mek tame , sang halei jeng ngak mbang tani tanat jang duk saong dom thun dahlau.."

       Ông Bá Thanh Trưởng, Phó akaok uy mban bhapbini xa Phuoc Nam, huyen Thuan Nam, tinh Ninh Thuan brei thau : "Thun 2015 dalam xa Phuoc Nam gaok tua dui atah dua thun hu bruk sangka di Đảng saong karja, abih di nyu nan lac bruk tacei pato di huyen uy, uy mban bhapbini huyen peih ngak mo hinh salih phun pala, nang suat glaong, meng di nan raidiuk mikva bhapbini dak harei dak salih barau jang"

-Patagok hatai jum pataom, daong gauk dalam raidiuk saong patagok kinh te sang, bhapbini Cam xa phuoc Nam mbang muk kei bui sambai, siam mekre patak pataom saong mbak carak ilimo bangsa./.

Thúy Linh