Meng bal Cao Bằng nao tame Thác Bản Giốc jaik 100 km. Labik tapen negar Thác Bản Giốc (dalam xã Đàm Thủy huyện Trùng Khánh) hu dom baoh sang tol meng patau yao klak, sang hu padang ngak meng patau prong đục meng dom baoh ceik daok vil val thung lũng di bhap bani Tày diuk rai tapa ralo rai rah di bhum taneh ceik patui ceik, taginum patui taginum ini. Nhà thơ Y Phương lac: Urang palei drei đục patau gol glaong bhum mi lac sa bruk biak chân thực, kayua dom baoh sang tol patau hu meng yaok rituh thun ini gam lac labik daok khang kajap di bhap bani Tày saong daok lac sa dalam dom kiến trúc ngak jeng ilamo biak karei di bhap bani dom bangsa takik bhummi tapen negar Trùng Khánh.

Urang Tày di labik ini thau mek patau ngak sang salih ka phun kayau, ka taneh haluk. Dom urang nan đục patau praong sit karei di gauk saong dak patau jeng sa baoh sang patau khang kajap. Bhap bani labik ini thau pandar patau piah ngak 4 mbaok daning vin taom dhal, ngak jeng sang biak kajap.Dom goi patau hu ralo hình khối prong sit góc cạnh hu dak tagok gauk, hu pagam veik meng tapung patau srau haong Cuah. Dom daning sang bhian kapal jaik 40cm biak kajap, gaok lingik pandiak, hajan ribuk, tua riya pandiak bhang daning sang jeng oh njauk hagait... dom khối patau hu meng baoh taneh tapa yaok ribau thun  biến đổi di langik tasik, patau pak ini hu ndung bak tính tâm linh, bhap bani daok pak ini saneng lac yau nan, nan ye urang diuk rai angaok patau saong gol glaong bhummi meng patau! Oh thau meng tuk halei mai dom baoh sang meng pataukhang kajap hu padang tagok, nyu ndung bak ilamo, hatai sahneng hadah krah, kiến trúc saong dom palak tangin biak gheih di bhap bani Tày daok pak ini.      

   Tuk padang ngak sang, urang Tày daa gru mai mong iek phong thủy biak cambaih. Sang njauk padang ngak di labik glaong, daning likuk pambak tame caik, mbaok sang oh hu hagait pacang meta maong... hu yau nan bruk ngak mbang meng hu ralo mbuan laghaih. Tabung sang tauk kiak âm dương. Ghang sang hu ngak meng kayau (bhian hu padang ngak meng kayau lim, kayau nghiến) meng 5 tal 7 talei gheng, yaok gheng atah di gauk jaik 3m. Sang glaong jaik 8m, hu klau duk. Duk kreh caik ghing apui bhong luac thun. Meng kan, bhap bani padang sang meng tangin, meng bruk đục patau, đẽo gheng... nan ye labaih sa thun meng ngak blaoh sa baoh sang.

Tapa  yaok pluh thun hu brei mboh bruk padang ngak sang meng patau di bhap bani peli urang Tày labik ini mai meng bruk pambuak pagam di anek manuac haong langik tasik, yaom lac taneh riya labik ini biak phức tạp, ralo meng lac patau ceik min langik tasik jeng alin brei ka manuac urang bruk sahneng duah oh thau glaih glar piah hu dom baoh sang patau yao klak yaok rituh thun biak khang kajap haong thun bilan. Meng kan bhum taneh ini lac labik daok di athur glai, di kaol co klaik, dom baoh sang patau hu jeng labik khang kajap pacang khik ka bhap bani.

Meyah  hu mbang mai rivang Thác Bản Giốc khaol drei meda hu mboh dom baoh sang patau yao klaak jeng daok hu mbaok yau brei mboh ilamo biak karei di bhap bani Tày labik tapen negar atah bayah ini./.