Bilan  bingu Đỗ Mai Mũi Né

  -Dom harei ini, tuai mai Mũi Né tui jalan 706B biak tatuak drei tuk hu mboh talei phun Đỗ Mai tanyak hồng di dua gah jalan. Sambo màu hồng ngak pachreih hatai menuac, padheih takai piah thaot, piah caik veik dom ký ức mekre di mbang nao.

  -Yaok thun tuk xuân mai, dua talei phun Đỗ Mai rah tui jalan 706B daok rak tagok. Sambo màu hồng di Đỗ Mai dreih yau sa panuac salam uan bilan xuân, sa paok pandap bo pô lingik alin ka Mũi Né, sa bruk kheih mekre, chreih hatai. Menuac urang bhian takik thau ini lac bingu Đỗ Mai kayua angan lạ lẫm di nyu nan ye Đỗ Mai daok hu ieu lac bingu Anh Đào. Hu bruk meluk yau nan lac kayua bingu Đỗ Mai jeng rak di bilan xuân saong sambo màu bingu jeng dreih yau bingu Anh Đào. Min, meyah maong tanat lac bingu Đỗ Mai karei jang bingu anh đào di thaik binguk.

  -Bilan xuân thun halei jeng yau nan, bingu Đỗ Mai rak bak pambuak pagam di dua sambo màu: sambo màu mbon saong hồng phớt. Yaok bingu saong dhar bingu praong sambo màu hồng nhạt, nyu đậm jang di gah lingiu saong taba jang di gah dalam, kreh bingu hu sambo kanyik bleit. Bingu Đỗ Mai bhian tamuh jeng yaok chùm di tapen hala rah tui dom dhar phun, rak tabiak dhar bingu di dhar phun xù xì. Dom caduk bingu Đỗ Mai hu hình chuông ngan saong rilo đốm bhong, dom thùy bingu hu  hình răng cưa, tràng bingu dreih yau dua seok par dalam angin.

    -Oh lac hu gah lingiu kheih mekre, bingu Đỗ Mai daok pachreih rilo  darko, cim kadit par vil tom dhar. Yaom lac bingu Đỗ Mai biak lipih, min pren di phun bingu ini biak khang. Tuai damuai saong bhapbini mbuan hu mboh biak rilo bingu Đỗ Mai trah tui jalan 706B, labik gahanak lâu đài alak vang tal jhung khu phố 1, Hàm Tiến. Jalan bak sambo màu hồng Đỗ Mai lac libik thaot di dom ayut ranaih umo saong daok lac libik thaot likhah di dom meyut meyau.

- Gam nao angaok jalan kheih mekre, gam hu angin tasik yuk la ar bingi, gam hu maong bingu Đỗ Mai rak bak lac tukvak kan var hu di dom tuai damuai patuah hu mai tal Mũi Né njauk tukvak. Tabhia dom talei phun Đỗ Mai, dom mblang hareik kanyik tanyak jeng dui pachreih biak rilo. Yaok tuk bair harei, ala ia harei lung linh, lingik hijao hadah glaong, yaok kapul menuac urang padheih takai, duah maong sambo màu di Đỗ Mai, sambo màu kanyik di mblang cỏ lau piah ngak dáng saong khik veik tapa dom blah rup thaot.

-Meng pasak ban sit Phan Thiết nao tal libik hu rilo phun  Đỗ Mai  jaik  11km min jeng hu biak rilo dam dara urang ranaih umo duah mai kayua oh khin klak tapa labik kheih meta yaok thun tok hu sa mbang. Pren khang saong sambao màu bingu dịu dàng di Đỗ Mai daong ngak ka bhum taneh rilo pandiak saong angin di Phan Thiết dak mekre jang yaok tuk xuân mai. Nan lac panuac salam yamen la-ar brei ka taong abih bhapbini puk palei saong tuai damuai mai Mũi Né - Phan Thiết di yaok tuk xuân mai. 

Thúy Linh