Nao grauk bhum Tây Bắc tuai damuai meda mong mboH hu yaok ribau baoh cọn aia tapen craoh, min mekre di abih jeng lac dom baoh cọn aia di bản Nà Khương, xã Bản Bo, huyện Tam Đường (Lai Châu).

Tapen kraong Nậm Mu jangaih hijao di kreh ceik glai Nà Khương, xã Bản Bo, huyện Tam Đường (Lai Châu), bilan cọn aia bahrau daok mai veik haong bhap bani dom bangsa takik pak ini. Oh njauk lac pandap ba aia mai pruh ka dom mblang hamu, dom thun jaik di ini dom cọn aia ini daok lac labik mai rivang iek, duah thau di tuai du lịch, ba jien tame ka bhap bani.

Lac bhum glaong, dom baoh cọn aia labik ini lac pandap ngak nong bhian randap haong bhap bani dom bangsa pak inin ba aia mai pruh ka dom mblang hamu. Cọn aia Nà Khương hu bhap bani pak ini pandar ralo thun ini mai  saong hu bhap bani pagap yau dom baoh mac bơm prong. Dom baoh cọn aia ini glaong labaih 6 mét saong hu ngak meng kayau, krem, la-a saong talei havei ia dalam glai.

Tal bilan 10 yaok thun dom cọn aia pak ini hu bhap bani ngak veik saong pandar TAL (jaik dalam)  bilan 6 thun hadei dahlau di tuk aia sua mai. Pandap piah ngak cọn aia lac dom janih kreim, kayau daok hu dalam ia  saong khang kajap suai lavik. Yaok sa cọn aia hu pagam sa nding krem yau sa baoh máng ba aia tame hamu. Dom baoh cọn aia yau dom baoh radaih prong harei melam nduac mek aia mai pruh ka dom mblang hamu that hijao. Cọn aia Nà Khương meng lavik mai pambuak pagam haong adat cambat, tanarakun di urang (kamei?) Thái pak ini.

Hadei di tukvak ngak bruk glaih glar, tapen aia Nà Khương biak joa lange saong lac labik ma-in bui sambai, labik menei di bhap bani. Urak ini cọn aia Nà Khương patagok hu jaik 30 baoh, hu labaih 20 baoh sang ngak po saong hu jeng labik du lịch sinh thái pak Tam Đường.

Dom baoh cọn aia harei melam nduac, ngak jeng khung cảnh thanh bình saong pachreih hu ralo tuai damuai mai mong iek yaok thun. Piah ba mbuan laghaih ka tuai damuai, bhap bani dalam palei hu (mek) NGAK sa baoh tatua meng kreim di bilan thu piah raok ba tuai damuai nao tapa kraong. Meng bruk daong di karja palei, bhap bani Nà Khương hu mong cọn aia lac pandap piah ngak du lịch. Tuai  du lịch mai haong Nà Khương dak harei dak ralo saong ba jien tame ka bhap pak ini yaok thun.

Vé tame rivang iek cọn aia urak ini lac 10 ribau đồng sa urang saong hu tổ bảo vệ di bản khik iek, ala bruk pasang iek di karja palei. Ralo anek naih di puk palei harei padeih bac nao daong amaik ame ba tuai tapa kraong angaok dom sruh gilai sit piah mong iek cọn aia Nà Khương. Ini lac labik nao bahrau biak chreih chrai di tuai damuai tuk mai tal Tam Đường./.