Yaom lac langik tasik oh siam laghaih, hu hajan min bilan pataom hareik hồng Đà Lạt 2017 jeng pachreig hu ralo tuai damuai grauk labik mai mong iek, thaot binguk. Sa-ai Bùi Văn Thanh, urang tuai mai meng tỉnh Đồng Nai brei thau, sa-ai haong dom ayut sahabat biak chreih chai nan ye hu pagul gauk meng labaih 1 bilan dahlau pataom gauk di labik ini, bruk nao mai yaom lac glaih glar kayua langik hajan min biak bui sambai, thaot hu ralo blah thaot gheih, mekre: “Mai haong bilan hareik hồng ini dom bilan dahlau drei hu mong thaot binguk tapa mạng nan ye mboh biak chreih hatai cang tal harei piah nao mong iek. Page ini drei hu mbaok pak ini biak ka-yon (avar). Yaom lac mbuan hareik hồng oh yau dom thaot binguk angaok mạng min dahlak jeng mboh biak mekre, biak chreih chrai, labik peih ngak biak laneng lanoi. Biak damen, langik harei ini hu hajan, meyah oh hu hajan ye nyu mekre jang saong tuai damuai mai pak ini meda hu ralo jang”.

Bilan pataom hareik hồng Đà Lạt 2017 rah tabiak dalam 10 harei, meng harei 24/11 tal harei 3/12, dalam nan hu 6 danak dak praong lac: harei pataom ilamo puk palei "Sambo màu bhum ceik"; Vaktu hareik hồng; Raok aia bulan angaok mbuan harek  hồng; harei thông điệp hareik hồng; Dã ngoại "Melam thảo nguyên" saong harei pataom Acoustic Đà Lạt Tây Nguyên - Duyên hải miền Trung.

Langiu di nan, dalam dom bruk di bilan pataom jeng hu ralo bruk ngak karei brei ka tuai damuai saong bhap bani puk palei, yau: parang iek thaot binguk nghệ thuật "Đà Lạt - Thảo nguyên hareik hồng"; Giải pakacah athaih oh hu yên; Lễ hội melam urang người Lạch; Raok menyek gom anit ranam angaok mbuan hareik hồng; karah hareik ka urang anit ranam; harei pataom vak thông điệp "Njauk iek prong saong khik caga lingik tasik"; saong Pandap mbang menyum di Tây nguyên – Đà Lạt. 

Ong Nguyễn Vũ Hoàng, Akaok Pasak ilamo tỉnh Lâm Đồng, Ban tổ chức bilan pataom hareik hồng Đà Lạt 2017 brei thau, yaom lac langik tasik oh mbuan lagaih min taong abih dom danak dak, bruk ngak jeng hu rah tabiak njauk haong bruk ba tabiak, pabak hatai caong khin di tuai damyai atah jaik: Khaol dahlak caong khin tapa bruk pataom hareik hồng ini meda yaih khan tal tuai damuai sa janih pandap du lịch bahrau, nan lac cảnh quan phun hareik”./.