Kadha Hukum negar saong raidiuk adit ini, da-a mikva saong taong abih gauk pang bruk tangi sua saong javap jalei di urang vak di rayo sap ndom VN haong Chuyên gia công nghệ Nguyễn Minh Đức, Yam ndok Cty cổ phần An toàn thông tin CyRadar piah thau bruk pachot urang buh jien tame ngak mbang gah jien ảo.

Tangi sua: Ong mboh yau habar ka dom bruk pachot uarng buh jien biak blei jien ảo angaok dom blah web, dom sàn giao dịch ảo tukvak jaik di ini?

  Chuyên gia công nghệ Nguyễn Minh Đức javap jalei: Meda ndom lac, bruk pachot halei jeng pamaong tame hatai mbuan jia, anit menuac saong hatai hawa. Bruk pachot ka jien ảo hu mboh di dom ban praong tukvak dahlau, hu rilo hu khan brei thau saong rilo menuac di dom ban praong jeng hu thau ka bruk nan. 

Yau nan, dom kol pachot ini kan ngak hu di dom labik ban praong nan ye nyu salih tapa dom bhum atah bayah jang, labik menuac sia oh ka biak biai thau cambaih dom bruk, dom kadha, dom ilamu công nghệ bahrau. Abih di nyu nan lac, makna di jien ảo biak kan thau, saong jien laba meda tagok tal 10 mbang. Urang meda maong iek dom tài khoản di drei angaok phone tangin, angaok komputer. Saong dom asal kadha nan meda ngak brei salih karei meng dom menuac thao túng di gah likuk, ngak brei rahra oh ka thau cambaih mbuan laik tame jalan pachot di kol bleik saleik.

Tangi sua: Menuac sia daok di bhum atah bayah ngak habar piah thau halei lac jien ảo saong jalan pachot yau habar? 

Chuyên gia công nghệ Nguyễn Minh Đức javap jalei: Ini lac kol tội phạm pandar công nghệ glaong angaok mạng, nan ye jalan mbuan mboh lac kol nyu pabak brei ka drei dom website, atau app angaok phone tangin, urang pandar (lac menuac lah pachot) hu pabak brei dom tài khoản. Min biak di nyu, dom bruk ini jeng hu ngak meng dom menuac dang di gah likuk. Nan ye, nyu ngak brei salih karei hu. Jien laba mboh hu angaok website atau app jeng lac  ảo.

Mbang buh jien tame tuk camereip tok meda lac dom triệu đồng, hadei di nan sa tukvak katut panak meda suak mek hu jien laba. Hadei di mbang jak jeng ini, kayua hawa laba, kol drei meda buh jien tame, atau nao mesraiy jien piah buh tame rilo jien jang, ye tuk nan lahik tài khoản.

Sa kadha tra, hu bruk lac, urang nao ieu, nao jak ba gauk gar, ayut sahabat, puk paga jaik taphia tame bruk ini jeng oh thau nan lac bruk pachot bo jalan pamaong tal tok lac piah tagok jien laba ka drei. Kayua yau nan ye, di bhum glaong biak mbuan pang.  Hu labik hu dom urang hu angan je dalam paleitame bruk ini saong mbuan dui urang karei tame. Nan jeng lac 2 kadha ngak ka bhap bini di bhum atah bayah mbuan njauk lah pachot./.

Urang lang: Jasi -23/11/2021