Bruk daong jien tui Sarak ini hu ngak tui dalam tuk vak pacang, caga jit COVID-19

Tui Sarak 37, bruk daong jien ka urang tame pacang jit lac 300.000 đồng sa harei brei ka dom urang lac: Urang nao pasang iek, duah thau jit; urang iek ruak ka menuac njauk  jit ruak di labik iek ruak.

Yaom 200.000 đồng sa harei brei ka dom urang lac: Urang pajeng manuac ruak, pajeng bệnh phẩm; khik iek mayit (urang ruak matai); urang papah khan ao ieik ruak, khan ao bác sĩ iek ruak, khan ao urang ruak; pataom mek kanduh klaok, pa-op jru hóa chất; khik iek labik brei daok karei; ngak pahacih saat, pamatai anek ruak dalam labik brei daok karei di dom labik iek ruak, taong ruak, urang jakar y tế brei bruk  pasang iek dịch tễ, tui iek y tế di dom labik daok karei di sang saong dom labik daok karei  tui tacei pato di jabat khik ramik karja;

Yaom 150.000 đồng sa harei brei ka dom urang lac: urang daok ngak bruk (min oh lac menuac hu ilamu gah y tế) di labik daok karei paong (oh kuhria bruk brei daok karei di sang, di labik pah daok, di hotel, resort, doanh nhiệp); manuac hu mbaok tame bruk cap mek urang brei daok karei min oh ngak njauk tui jalan njauk daok karei; urang lang sap ndom mayai,kapul cấp cứu 115, kapul pajeng ba urang njauk nao daok karei.

Daok dom urang harei melam hu mbaok pacang jit, Sarak brei adat daong 130.000 đồng sa harei sa urang, kuhria gam harei padeih padei, harei lễ saong hu daong jien mbang huak yaom 80.000 đồng sa mbang trực.

Ngan saong urang jaka y tế, quân đội, công an ngak bruk di labik brei daok karei praong (oh pandar ka bruk daok karei di sang, labik pah daok, di hotel, resort, doanh nghiệp); manuac urang dang tabiak ngak harak gal brei ka urang tame tabiak nagar; urang khik caga labik daok karei di puk palei tui tacei pato di jabat khik ramik karja; urang jaka y tế harei malam hu mbaok di labik taong ruak daok karei  piah ieik glang urang ruak, urang mboh yau njom ruak COVID-19 hu daong jien mbang huak lac 80.000 đồng/sa harei.

Sarak jeng tabiak bruk daong ka urang pambuak bruk, urang halan hatian hu mbaok tapak atau pambuak bruk pacang jit dalam tukvak hu jit COVID-19 tui yaom 130.000 đồng sa harei sa urang; yaom 80.000 đồng sa harei brei ka urang pambuak bruk, urang halan hatian nao pathau khan, jak ba bhap bini, phát tờ rơi atau hu mbao tame ngak iek.

Bruk daong jien tui Sarak ini hu ngak tui dalam tuk vak pacang, caga jit COVID-19. Dom bruk karei oh hu dalam Sarak ini, brei ngak tui adat hukum yau uak ini.

Sarak ka 37/NQ – CP hu ba tabiak ngak tui meng harei 29/3/2020./.

(Urang lang: Thu Thảo -21/04)