Bruk ngak takhaok pet di urang Xạ Phang hu ngak, hu pato veik dalam sang, dalam bhap bani, oh lac pato veik hatai sahneng, ilamu bruk ngak, bo daok ndung bak dom kadha biak hu yaom glaong gah jalan diuk rai, tari tareng, kham merat di urang Xạ Phang. Ini lac dom kadha tok hu mboh dalam bhap bani ini piah tal harei ini, bruk ngak takhaok pet hu khik ramik veik biak siam, pambak biak rilo tal bruk pato pakai rai rah dam dara, urang ranaih umo, rik daong kak kajap bol bhap rahra, khik ramik dom siam gheih ilamo bangsa. Takhaok di urang Xạ Phang hu rilo janih piah brei thau ka urang likei atau kumei, thun umo saong piah pandar yaok harei atau dalam dom bruk ngak adat cambat prong. Yaok janih jeng hu sa thaot binguk, sambo màu, bingu hala biak karei angaok takhaok. Thong takhaok di urang Xạ Phang kayua dom urang kamei jik pet ngak brei ka dom urang dalam sang pandar saong caik piah pandar.  

Piah ngak hu sa thong takhaok siam, njauk tapa rilo bruk yau ye caga pandap panda, palih ruah janih takhaok ka nyu laghaih haong urang pandar piah cakak saong jik pet, ngak jeng bingu hala angaok takhaok, jik pet rup takhaok piah ngak jeng thong takhaok. Bruk ngak tabiak saong jhik pet dom bingu hala biak karei brei mboh palaak tangin gheih ghang, hatai saneng hadah krah di urang kamei Xạ Phang. Yaok thong takhaok ngak blaoh nan lac sa tác phẩm nghệ thuật, dalam nan brei mboh hatung hatian, hatai saneng saong dom caong khin di urang ngak takhaok, taphia di nan brei mboh hatai jia, tuk halei jeng pamaong tal kadha bui sambai, dom bruk patuah jamo dalam rai diuk.

Urak ini, di dom puk palei urang Xạ Phang, dom adei kamei umo meng 10-12 thun hu amaik, hu sa-ai kumei, hu amuk pato veik bruk jik pet; ngak jeng hatai thau khik ramik ilamo meng kan di bhap bani, di bangsa ka rai dam dara, urang daok ranaih.

Meng bruk ngak takhaok jik pet di urang Xạ Phang hu brei angan lac inem krung ilamo oh mboh di meta, tỉnh Điện Biên hu 12 inem krung daok dalam angan dom Inem krung ilamo oh mboh di meta pakat negar./. 

Urang lang: Jasi -14/12/2021