hanipha
Ngan song urang Khmer, piêng (cốm dẹp) lac pandap (mbang chính) piah pok paling yang ia bilan, lac yang khik iek phun pala song langik tasik, daong ka hajan siam, hangin lagaih piah ka bruk pala drak, rong glang hu siam mekre, ngak mbang hu ginup meda. Kayua Yau nan ye, di harei 15 bilan 10 saka ia bilan yaok thun , urang Khmer peih ngak lễ hội Ok Ombok song ngak pieng piah pok paling yang ia bilan. Dalam kadha “dom bangsa adei saai” harei ni, daa mik va song tong abih gauk duah thau ka makna, adat caraok pieng di urang Khmer Nam bộ:
Pieng dalam sap Khmer lac "Ombok", song "Ok" lac bruk ni mek tangin piah caraok tame cambuai. Yau nan meda lac ok Ombok hu makna lac caraok pieng tame cambuai. Ni jeng lac adat prong dalam lễ hội Ok Ombok yaok thun. Adat ni bhian hu peih ngak di Baha, hu tuk dalam bein sang atau di labik mboh cambaih ia bilan. Langiu di pieng lac pandap brei hu jeng dok hu dom janih kaya nong karei bahrau paik hu yau li-u, patei, dom janih bei, dom janih boh kayau song har kẹo.
Urang caraok pieng brei ka uranaih kayua đức Phật hu panuac pato, hatai hawa di anek menuac di dunya lac oh meda gah oh tuk halei bak hatai. Nyu dreih yau uranaih cambuai bak pandap mbang bo dok khin janih karei tra. Nan ye, tapa bruk ngak ni, urang khin kakei anek menuac brei njauk hatai song bruk daok hu, song brei thau labik padeih. Song tui adat cambat di urang Khmer, urang sahaneng lac, cambuai lac sa dalam dom cơ quan hoạt động rilo di abih di menuac sia, nyu hu 2 chức năng prong lac nyai song mbang. Dom dusa ka bruk mbang huak ye takik, min nyai lac biak rilo yau: nyai pasoh, nyai kanjah, nyai palauk, châm biếm urang karei ngak srau kadau dalam boh sang, xã hội. Urang jia lac, tong abih dom dusa kayua nyai hu klaak abih dalam harei pok kakuh ia bilan ni.
Camereip, urang dang ngak adat paik meteh boh patei caik tame cambuai uranaih song đút sa kacao pieng bloh sua: "anek cong khin hu hagait?". Uranaih jalei tui hatai di nyu . Urang sua paoh tame kaing uranaih 3 mbang song ndom lac "anek hu yau hatai khin di drei ".
Tuk ia bilan mong mboh bloh dom hatai khin di uranaih song hatai thau darphol di urang prong, urang dok ala tapen gauk dalam sap phleing chreih chrai. Urang lac, ia, taneh song ia bilan hu nao tagok lingik, piah hadei di nan tuh dom mbang hajan trun dunya, ba mai rai duik bahrau ka Anek menuac song abih janih di mbaok haluk.
Cốm dẹp dok hu mong lac bruk bui sambai tuk pala drak njauk. Ok Om Bok rah tabiak di tuk vak puac bilan hajan, caga yam tame bilan thu, lac bilan paik mek kaya nong, nan ye Ok Ombok dok hu ieu lac "adat ba ia", hu makna la palao bilan hajan . Kayua yau nan ye , langiu di adat cambat caraok pieng urang dok hu palao go hoa đăng atau pakacah ghe Ngo./.
Viết bình luận