Urang ngak bruk tuk melam ye hu ba-yar mbluak takik abih samu 30% jien  bilan kuhria tui yaom jien bilan

Urang ngak langiu tuk ngak bruk hu ba-yar jien bilan kuhria tui yaom jien bilan atau jien bilan hu ba-yar tui bruk daok ngak yau ini:

Dalam harei thường, takik abih samu 150%;

Dalam harei padeih yaok abit, takik di abih samu 200%;

Dalam harei padeih lễ, tết, harei padeih hu mbang jien bilan, takik di abih samu 300% oh kuhria jien bilan harei lễ, tết, harei padeih hu mbang jien bilan ngan haong urang ngak mbang jien bilan yaok harei.

Urang ngak bruk tuk melam ye hu ba-yar mbluak takik abih samu 30% jien  bilan kuhria tui yaom jien bilan atau jien bilan hu ba-yar tui bruk ngak di harei ngak bruk bình thường.

Urang ngak langiu tuk ngak di tuk melam ye langiu di bruk ba-yar jien bilan tui dua asal kadha hu ndom di agaok nan, urang ngak daok hu ba-yar mbluak 20% jien bilan kuhria tui yaom jien bilan atau jien bilan tui bruk ngak tuk harei di harei ngak bruk  bình thường atau di harei padeih yaok adit atau di harei padeih lễ, tết.

Meyah padeih bruk kayua meng urang pandar urang ngak ye urang ngak hu ba-yar ginup jien bilan tui harak pambuak bruk; meyah kayua meng urang ngak ye urang nan oh hu ba-yar jien bilan;

Meyah kayua bruk khut điện, aia bo oh kayua meng urang pandar urang ngak atau kayua bala meng langik tasik, apui khuah, jit ruak, khut khat trak kayua mesruh metak, panduan ba labik ngak nao labik karei tui caong khin di karja atau kayua makna kinh tế ye dua gah ginum biai haong gauk ka jien lương padeih bruk:

Urang pandar urang ngak tok hu kaoh jien bilan di urang ngak piah bayar khat lahik kayua ngak khut pandap panda, drap ar di urang pandar urang ngak.

Yaom kaoh yaok bilan oh tapa 30% jien bilan ba-yar hadei di tuk kaoh tabiak abih dom janih jien BXHH, BHYT, BHTN, thuế TNCN./.

Urang lang: Jasi – 06/10