Củi hứa hôn lac sa adat cambat meng lavik saman di urang bangsa Giẻ Triêng. Anek kamei Giẻ Triêng bhian khin likei, tok pasang tuk daok sit.  Bhian di tuk 16-18 thun. Kayua yau nan ye, tuk 14-15 thun dom anai tame glai mek njuh mai dak tapen sang. Tapa nan jeng thau lac sang halei hu njuh dak yau nan, lac anek kamei jiak tal umo khin likei, tok pasang.

         Nao angaok jalan Hồ Chí Minh labik nao tapa huyện Đăk Glei di gah barak tỉnh Kon Tum, biak mbuan si mboh dom đống củi prong hu dak tapak, glaong tal tabung sang di dom buôn palei urang Giẻ Triêng. Nan lac dom đống củi hứa hôn di dom anai caga ka harei tok pasang.

Dom anai tal umo khin likei hu dom urang likei, bo drei njauk hatai khin mek ngak jeng pasang, ye bhain tagok glai duah dom phun kayau siam, kaoh brei samu gauk, cambu thu song ba mai dak tapak di anak sang saong hu pacang meon piah caga “ harei siam, bilan lagaih” ba mai sang likei.Củi hứa hôn hu ngak biak  kỳ công, oh yau  njuk pandar yaok harei. Dahlau di abih, palih ruah janih phun kayau tuk thu talah tui thớ dọc mbuan kaoh. Bhian hu palih ruah di abih lac phun dẻ. kayua nyu khuah siam, rilo dhang.

Phun hu palih ngak njuh bhian hu đường kính 10 phân. njuh hu kaoh jeng đoạn 1 mét song brei khik độ dài nan samu gauk, oh atah, oh panak jang.  

Meyah  jiak tal harei tok pasang, harei jao njuh bo anai kumei oh caga hu rilo yau hatai khin, ye tong abih gauk gar but pajaih ba gauk mai dong. Meyah urang likei ở rể - dok veik sang gah kumei, njuh nan jeng hu ba nao jao ka amaik ame gah pasang.

Pok njuhdom anai kamei ba mai gah sang likei bhian lac 100 pok. Oh lac cakon njuh ka sang pasang, bo dok brei gam ka saai likei, saai kamei di pasang hu likei hu kumei bloh song tabiak dok karei yaok boh sang meng 20 tal 30 pok, dok sang gah likei bhian ngak rilaow 60 tal 70 drei cim, anek takuk piah payak tuk sang kamei cakon njuh mai sang drei. Langiu di nan, sang gah likei dok alin brei khan aow ka dom urang cakon njuk mai yau ye panuac ndua dar phol. Sa urang jakar ilamu di labik ni khan lac. Urak ni mik va brei nộp takik veik, bhian lac duah phun kayau thu. Lac adat cambat tanarakun meng kan mai ye kan si  klak hu chip. Tok jak ba mik va mek takik, hu tính tượng trưng, piah phun kayau di glai takik njauk jah tak, piah khik caga alam môi trườn. Song piah ka dom anai kumei Giẻ Triêng siam binai, naih gheih di labik ni patrun patakik gleih glar dalam bruk caga khin likei, tok pasang./.