Rilo labik di ban sit Quảng Uyên peih harei pataom pakacah mek đầu pháo 

Harei pataom pakacah mek  đầu pháo ban sit  Quảng Uyên lac rija bhap bini meng kan hu meng lavik mai song prong abih di tỉnh Cao Bằng. Harei pataom pambuak pagam song boh miếu klak Bách Linh. Miếu Bách Linh hu meng saman  nhà Lý, lac labik pok kakuh 100 kadha ginreih, dang akaok lac inegirai  (lac sa dalam 4 janih ginreih: Long, Ly, Quy, Phượng). Kayua yau nan ye, adat camereip abih di harei pataom pakacah mek  đầu pháo nan lac peih hadah meta inegirai.

Langiu di adat peih meta inegirai, Harei pataom pakacah mek pháo hu peih ngak ngan song rilo adat cambat siam gheih yau, rija khao quân, rija tế thần, rija raok thần. Bruk prong dalam harei pataom lac dom lagu tamia inegirai, tamia lân song pakacah mek đầu pháo tui njauk angan ieu di harei pataom. 

Harei pataom ilamu pagam song dalikan bhap bini. Hadei di tuk tong tayah  kol khamang nhà Tống, khik caga palei negar gah brak  taneh ia Đại Việt ala saman nhà Lý, abhap  XI, di dom labik nao tapa, Nùng Trí Cao peih bruk payak lin mbang menyum uan jayah . Tuk tal bhum taneh  Quảng Nguyên (lac Quảng Hòa urak ni) , dalam mbang payak lin, Nùng Trí Cao palih mblang taneh samu tapak song ieu pataom likei dam dalam palei parabha jeng rilo kapul nyaom piah pakacah gauk meblak mek đầu pháo, kapul halei janeh, meblah mek hu đầu pháo meda gaok patuah jamo luac thun . Nùng Trí Cao brei lin  sik pabui song ngak biak rilo talam salao lisei caik anak pabah mbang dom boh sang dalam bhum, piah ka tong abih dom menuac mai main jeng hu mbang huak uan jayah.

Urak ni, kayua klaak adat am cuh pháo, urang po lễ dang tagok katung đầu pháo trun mblang, labik peih bruk meblah mek pháo. Bhap bini pak ni sahneng lac dalam harei pataom nan, thei mek hu vòng lộc pháo ye luac thun hu patuah jamo, hu jien ndo, kaya meda.

Hadei di tuk main pakacah đầu pháo lac dom kadha main meng kan di bhap bini yau: tamia inegirai, tamia  kỳ lân, katung  còn, doh lượn, main  đu, parang me-in  võ bangsa, cờ tướng, caoh mbanh dit blong , parang iek thaot binguk...

Yaok thun, Harei pataom pakacah meblah mek đầu pháo ban sit Quảng Uyên hu peih tabiak meng  bier harei  30 bilan  sa tal abih harei 2 bingun bilan 2 tui saka ia bulan, hu makna lac peih akaok ka yaok bruk ngak di sa thun bahrau, likau ka hajan siam, hangin lagaih, pala hagait hu nan, raidiuk siam mekre, ginup meda. Harei pataom jeng lac tuk hadar tal dom rairah nao dahlau hu buh pren yava ka rah ra, ka taneh ia./.

Urang lang: Hanipha- 19/3