Daoh ADay di urang Khmer lac ilamo parang me-in meng kan mai di bhap bini, tui jalan daoh “menyai”

Daoh ADay hu patoa tame tỉnh Hậu Giang gam haong bruk peih taneh bilau, padang phum, soc di bhap bini Khmer. Labik huyện Long Mỹ meng kan hu daoh ADay meng biak aval, nan lac di paha Pô Thi Vong Sa, daok di xã Xà Phiên, huyện Long Mỹ, saong meda lac likei – kumei thei jeng thau daoh ADay. Di bhum taneh dalam ban Vị Thanh meng kan, bhap bini bangsa Khmer jeng hu Kapul daoh tamia bhian parang daoh ADay.

Daoh ADay bhian hu daoh dalam dom harei rija roya, lavik lavik harei hu daoh dalam dom bruk ngak adat cambat dalam sang atau dom bruk main sambai dalam phum, sóc. Urang daoh ADay lac sa gah likei saong sa gah kumei gam daoh, gam ndem biai nao mai tui ragu ragam. Hu tuk lac sa panuac ndom bhian randap, tuk lac sa panuac tangi iek, brei ka gauk dom hatai anit ranam. Gaok tuk daoh nao mai Aday daok gam hu dom ragu tamia, gam tamia gam daoh nao mai atau hu pacang mbaok meng mặt nạ… Urang daoh nao mai meng rilo panuac daoh tangi gauk, thei oh javap jaloi hu lac menuac lah saong ayut saabat njauk salih daoh ka urang nan.

Tui yaok bruk, yaok rija roya, adat cambat dalam sang atau me-in sambai dalam rahra, bo daoh ADay meda hu daoh dom kadha daoh meng kan atau paneh panuac bahrau, atau tamuh panuac di pak nan. Dom kadha daoh urak ini daok hu yau daoh pachreih pakacah ghe ngo, pok manyaom, tadhau ayuh dalam adat cambat dalam sang; dalam me-in sambai di rahra hu dom kadha daoh ndem ka đạo đức, jalan diukrai, urak ini hu gam dom kadha daoh ndem ka bruk dak padang raidiuk ilamo, pachreih dam dara tagok jalan nao ngak lin, ngak njauk tui jalan ngak, sarak di Đảng saong Kanja.

Dalam dom adat cambat dalam sang, abih di nyu nan lac ndam lakhah, tuk ba pandap panda saong urang likei tapa sang gah kumei, kapul taong phleing hong kapul daoh ADay hu mai daoh, ba bui sambai, chreih chrai. Daoh ADay ngan haong dom kadha daoh tadhau ayuh, caong khin dua diuk pasang daok haong gauk hu siam mekre, ngak mbang kaya mada, haniem phul.

Daoh ADay di urang Khmer Hậu Giang jeng ilamo ghieh makre di dom phum, sóc, kak kajap haong baoh baha saong baoh sang. Daoh menyai ADay daok lac sa bruk khik ramik dom yaom glaong gah ragu ragam, gah ragu tamia meng kan di bhap bini; rik daong tame bruk pambuak gauk di rahra, lac talei rohim pambuak gauk khang kajap di manuac haong manuac, di menuac haong puk palei, haong bol bhap rahra./.

Urang lang: Thu Thao – 23/04