Rilo boh sang hu ba pandap tagok kakuh Yang mebang 

Rija Lồng tồng ndung bak bruk caih, menek, cakrok patagok, lac bruk ngak adat likau ka hajan siam , hangin lagaih , kayau patau tamuh siam, pala drak njauk. Lac Rija likau patuak jamo, pala drak njauk, lac tuk piah ka rahra thau dhar phor Po langik po tasik, thau dhar phor muk kei, but pajaih, ong muk, amaik ame, dom urang peih taneh bilau ngak jeng mblang hamu camereip song tacei pato bruk rong pala, tam drak, paik mek, bruk sinh khắc chuyển vần di ngũ hành, di langik tasik, di pandiak hajan, ia kakua hangin, di ia hauk tuk ngak bruk ngak jeng dom pandap quý hu yaom piah rong duik anek menuac …

Rija hu tabiak meng dalam bhap bini  urang  Tày song bhian hu peih ngak di dom mblang hamu siam di abih, prong di abih dalam palei.

Rija hu 2 binah lac binah ngak adat saong binah me-in sambai. Ngan song binah adat, mik va brei caga sa talam pandap hu ginup pandap panda dalam palei kayua drei ngak tabiak pok tagok langik tasik, yang mebang . Abih di nyu nan lac, dok hu dom asar pajaih, tui hatai sahneng di mik va, asar pajaih ngak jeng  bilan pala, ngak tabiak pandap panda, padai brah ka anek menuac. Hadei di adat pok kakuh po yang, langik tasik, MBan tổ chức peih ngak  adat li-ua “Tịch điền” piah mek patuak, mek siam mekre, rahra khang kajap, pandap bak sang.

Daok binah me-in sambai. Bruk me-in sambai hu peih tabiak meng tuk hagar ginang tong tagok, bloh dom urang taha song dam dara  raok Thần Nông song Thành Hoàng meng baha tabiak hamu, dok dom boh sang ye raok talam salao pandap parang tabiak mangaok mblang praong. Urang pal akaok  pok sap ieu da-a dom po yang bloh ba gauk mbang menyum. Sang halei hu talam salao pandap bingi song daa hu rilo tuai mai mbang menyum pandap di salao sang drei, nan lac bruk patuah jamo ka abih thun. 

Gam song dom bruk raok rija, tung còn, dok hu rilo kadha main meng kan di bhap bini  yau taong yến, taong bam, dui brak, jhul gaiy, nao kà kheo, tong valei song oh meda kurang hu dom kadha doh, lagu tamia ndung bak ilamu di bhap bini dom bangsa daok pak ni.

Bruk me-in nan biak chreih chrai bui sambai tuk tuai damuai atah jiak hu ba drei tame dom kadha me-in, dom lagu daoh bhap bini meng kan di dom bangsa . Gam duah thau song blei dom pandap panda kaya nong dalam palei.

Bruk khik ramik dom rija meng kan di bangsa dalam tuk Tết mai, thun bahrau tal, hu dong ka bhap bini dom bangsa bhum glong Tây Bắc hu labik main sambai siam lagaih, abih di nyu , ni jeng lac labik taom gaok, ndom nyai nao mai di bhap bini song tuai damuai atah jaik, lac tuk piah ka dom urang anek di puk palei thau dhar phor halau gha, muk kei, hadei di sa thun ngak bruk, bac daa di grauk labik dalam taneh ia . Gam song nan, piah yaih khan ka pren khang patagok ilamu, du lịch, rik dong khik ramik, patagok song pok meyaom ilamu dom bangsa, pato pakai hatai anit taneh ia, ranam bangsa, pakhang patagok bruk jum pataom   bhap bini, jhul patagok  kinh tế - xã hội, paglong bruk ilamu ka bhap bini.Tapa nan, rik dong khik ramik ilamu bangsa Tày dalam ilamu dom bangsa Việt Nam hadah krah, ndung mbak ilamu bangsa tui sarak Trung ương 5 (mbang VIII)./.

Urang lang: Hanipha- 12/3