Dom baoh sang rường Hue ngan haong tabung krak bhong, gang kayau khang kadang saong bilik dalam mboh laan hatai meng rilo abap mai, nyu jeng sa binguk ilamo oh kurang hu di ban kota Hue. Kayua yau nan ye, sang rường Hue ndung bak dom thaot binguk angan je di ilamo sang danaok Viet Nam, ngan haong dom yaom glaong di dalam sajarah ilamo padang ngak biak gheih ghang. Sang rường hu di dalam dom medil riya, di paha, dalam bimon kalan,…pataom jeng ilamo biak krah biak gheih mata, di dalam ialmo sang danaok bangsa.

Tui taong yaom di dom urang roh duah ilamo Hue, sang rường hu biak meng aval, mada labaih meng 300 tal 400 thun dahlau, nyu mada lawik jang. Sang rường Hue oh sa janih lac sang kayau, blaoh daok mboh vin nyu hu bein. Sang ruong bhian padang di mblang praong, hu bein vil taom dal, hu paga padang glaong tatau phun caiy kaoh hala dhar ieik makre dreih yau cek car taneh di bhum maraong non bộ, danao ia….

Sang rường Hue hu rilo janih, min tapi rilo abih di nyu jeng lac baoh sang rường 1 labik dua cac. Ini ieu lac baoh sang mboh urang meng kan bhian padang sang rường. Kayau, pandap panda piah ngak sang rường Hue meng kayau phun panat, kayau gok ngak gang, kayau kian kian, kayau chua, kayau huan ngak pra kabung sang. Dom pandap panda karei yau ye patau piah padaok takai táng, krak tak tabung sang, krak ngak, tauk krak mblang sang jeng hu pilih ruah brei lagaih.

Di jaman bahrau, bruk khik ramik sang rường Huế daok gaok rilo cuang kandah. Kayua lac anak mata daok rilo sang rường Hue salih mbaok mata biak rilo. Rilo sang rường oh daok, khut kayua kayua tukvak masa lawik thun, dom baoh sang parabha rilo janih, salih mbaok mata karei oh daok yau krung dalau.

Rilo ilamo brei thau lac, caong hu sa jalan ba tabiak piah padang angan je sang ruong Hue, ye yau jalan pato tacei bhum taneh ka sang rường Hue, atau angan kapul nyaom ka sang ruong Hue. Brei pok thau yaom glaong ilamo sajarah, ilamu di dom sang rường Hue angan je piah ba tame nyaom njauk khik ramik, peih bruk buh jien tame phun jien piah ngak pasiam veik, patagok dom yaom glaong ilamo inem krung di sang rường Hue. Padang ngak sang miuyim sang rường Hue pambuak haong bruk mayaih khan pandap du lịch saong piah mek jien tame ka po sang rường, tui di nan dui pachreih bruk khik ramik saong patagok dom yaom glaong ilamo inem krung sang rường hu siam lagaih jang.

Tiến sĩ Phan Thanh Hải, Yam ndok So Ilamo, The thao tinh Thua Thien - Hue brei thau lac, di jaman barau ini, sang rường Hue daok lahik biak rilo dang di anak bruk ngak sang danaok jalan mbang barau, gam haong nan jeng rahtabiak bruk kuhria siam lagaih dalam bruk salih bahrau di sang rường tui hatai khin, lagaih haong jalan ba tabiak saong bruk pandar bahrau. Piah langyah dom cuang kandah ini, rilo jalan langyah khik ramik bahrau hu ba tabiak saong peih ngak.

Sang rường Hue ieu lac sa inem krung ilamo hu yaom glaong ilamo sang danaok, sajarah ilamo di bhum taneh Kota banraya lama klak. Tỉnh Thua Thien - Hue jeng daok caong tal bruk padang angan je ka sang rường Hue pambuak haong bruk patagok dom yaom glaong ilamo angan je di bhum palei, yau ye padang ngak sang miuyim sang rường Hue pambuak haong bruk mayaih khan yu lit, pambuak gauk di jabat khik ramik Kanja saong ngak mbang gah du lịch piah peih ngak dom tour, gah yu lit sinh thái./.