Urang likei Dao Tien dok ramik caga ka adat tey nhay 

Gam song makna likau ka bilan pala hu siam mekre, Tết nhảy dok lac adat cambat ginreih kakuh Bàn Vương Thủy tổ di bangsa Dao , piah thau dar phol muk  kei song dom po yang, nan ye, mik va Dao Tiền biak iek prong.

Tui ong Lý Văn Vinh, Phaok Yam ndok pasak ilamu meng kan huyện Mộc Châu, adat likau ka bilan pala hu siam mekre biak ginreih, likau ka sa thun pala drak njauk song bhian di nyu lac  2-3 thun  hu peih ngak sa mbang di sang ong akaok but pajaih. Tuk sa thun pala drak njauk, ye tong abih anek taco dalam but pajaih pataom gauk veik dalam sang ong akaok but pajaih, bhian lac tuk dahlau di harei  29 bingun Tết, min, jeng hu tuk hadei di  Tết. Dom sang dalam but pajaih caga har tapung brah, menuk, rik dong alak peih ngak, tadhau ayuh ka sa thun tapa pala drak njauk, song likau ka sa thun bahrau pala drak njauk jang.

Ngan song urang Dao Tiền, Tết nhảy lac Tết di but pajaih, min hu makna di abih   bhap bini puk palei, kayua yau nan ye, dahlau di tuk peih ngak, dom pandap palih yang brei kuhria caga biak tani tanat. Tết nhảy, bhian hu peih ngak di sang ong akaok but pajaih, labik kakuh muk kei but pajaih. Piah hu sa Tết nhảy biak siam mekre, sang ong akaok but pajaih brei caga padai brah, pandap mbang song dom pandap piah ngak adat song payak dom urang mai hu mbaok. Pandap pok kakuh hu har, boh kayau, rilow pabui, song dom pandap di mik va mek hu meng pala drak song rong glang, man pateok...

Song abih di nyu nan lac, dalam Tết nhảy di urang  Dao Tiền daok di Phiêng Luông oh kurang hu phun lộc. Ong Lý Văn Vinh, Phaok Yam ndok Pasak ilamu brei thau huyện Mộc Châu khan lac: “Mangaok phun  lộc ni hu biak rilo boh, brei mboh ka thun bloh pala drak njauk, song likau ka sa thun bahrau pala drak njauk gilac tra. Taphia di nan, jeng brei hu drei gấu, drei sóc, bloh sruh dar ko. Makna di labik ni lac, likau ka bilan pala drak njauk bloh, ye nao man pateo, paik mek. Meyah tame glai gaok sruh dar ko, gaok drei sóc, drei gấu nan lac dom bruk patuah jamo”.Gam song dom pandap pok kakuh, dalam adat Tết nhảy di mik va Dao Tiền, tui ong Lý Đúm, sa urang  Dao Tiền di Phiêng Luông, dalam tuk ngak adat cambat hu biak rilo alat ragu  yau to, kiếm, loa, kèn, hagar, chiêng…

Kadha gheih mekre dalam Tết nhảy lac bruk ngak adat saong bruk pataom gauk me-in sambai hu pablak tame gauk. Dom urang ngak adat gam pok kakuh gam tamia song puac ariya. Bruk me-in sambai pablak tame dalam bhap bini, oh lac kamei, likei, taha, ranaih jeng meda hu mbaok tame tamia. . Sap hagar, sap chiêng gam song dom lagu tamia, ragu chat dalam Tết nhảy yau hu sa  "pren ginreih" dui pachreih song ngak ka urang mai jiak gauk, pambuak talei rohim khang kajap dalam bhap bini meng dom saman ini mai. Tết nhảy lac sa adat cambat meng kan, brei mboh rai duik mbang ngui daok dang di urang  Dao Tiền, ba mai hatai jia ka sa  bilan pala bahrau hu siam mekre, ba patuah jamo ka rai duik di mik va, bo dok rik dong ngak ka blah thaot ilamu di bhap bini dom bangsa  Việt Nam hu rilo hadah mekre jang./.

Urang lang: Hanipha- 25/6