Uranaih hu pajeng nao bac di bilan ia ndik 

Bruk tut angan khai sinh tui adat hu ngak yau habar?

Tui Hukum Hộ tịch, bruk tut angan khai sinh lac di UB bhap bini pakat xã labik daok di ame, ame di urang hu khai sinh. Bruk tut angan khai sinh brei hu ngak tui mẫu quy định saong hu dom asal kadha yau ye brei thau ka urang hu khai sinh, brei thau ka ame, amaik urang hu khai sinh (hu ginup angan je, thun ndih tapui, bangsa, quốc tịch, labik daok, laik brei angan di menuac urang).

Bruk tut angan khai sinh brei hu ngak dalam 60 harei kuhria meng harei anek hu ndih tapui tabiak. Urang jakar Tư pháp - Hộ tịch gam gam pasang iek saong ieu tut angan khai sinh ka uraniah dalam palei drei khik iek. Meyah gaok kan kandah ye hu tut angan khai sinh lưu động.

Daok uranaih njauk amaik ame ba klaak ye bruk tut angan khai sinh hu ngak yau habar?

Meyah uraniah njauk amaik ame ba klaak, urang mboh uranaih nan njauk khan ka UB bhap bini atau Công an xã labik uraniah njauk urang ba klaak. Meyah uraniah njauk urang klaak veik di labik sở y tế ye urang dang akaok labik y tế njauk khan ka chủ tịch UB bhap bini pakat xã, atau trưởng công an xã thau piah ngak biên bản uraniah njauk urang klaak saong ba tabiak khan brei menuac sia thau dalam 7 harei gam. Tal tuk abih harei khan bo oh duah hu amaik ame ye menuac urang atau kapul nyaom daok raong uraniah nan njauk nao khai sinh saong tut angan khai sinh ka uraniah nan. Bruk ini jeng hu tut angan khai sinh yau dom uraniah hu amaik ame tut angan khai sinh. Min hu 1 kadha karei di labik angan amaik ame saong bangsa di uraniah dalam harak khai sinh haong sổ hộ tịch oh brei vak hagait, dalam sổ hộ tịch brei vak cambaih lac uraniah njauk urang klaak.

Urang amaik hu quyền oh vak angan di urang ame, daok urang ame hu quyền oh vak angan di urang amaik dalam harak khai sinh di anek halei oh?

Tui paka 88 di Hukum lakhah caga saong baoh sang, amaik ame di anek lac anek hu ndih tapui tabiak tuk amaik ame daok haong gauk, atau anek kayua urang diuk metain dalam tuk diuk pasang daok haong gauk saong hu ndih tapui tabiak dalam vaktu 300 harei kuhria meng di harei amaik ame oh daok haong gauk, lac anek di dua diuk pasang.

Meyah oh ka thau cambaih urang ame ye bruk tut angan khai sinh ka anek hu ngak tui angan, bangsa, palei asal, quốc tịch di urang amaik. Labik angan ame dalam sổ hộ tịch saong harak khai sinh di uraniah oh vak hagait.

Meyah oh ka thau cambaih thei lac amaik, tuk tut angan khai sinh, ame ngak harak likau taduan anek ye labik angan amaik dalam sổ hộ tịch saong dalam harak khai sinh di uraniah oh brei vak hagait.

Njauk thau lac, meyah oh thau hu ame atau amaik di uraniah ye meng oh vak angan ame atau amaik dalam harak khai sinh.Daok meyah thau cambaih amaik ame ye tuk ngak harak khai sinh ka anek, oh brei klak saoh labik vak angan amaik ame./.

Urang lang: Mousaphuong