Sarak daong urang cam raong palimeh limo

  Sarak 88 brei ngak Danak dak kuhria pataom iek veik bruk patagok kinh tế xã hội bhum urang bangsa takik saong bhum ceik, tukvak 2021 -2030 hu Quoc hoi mbang 14 brei tapa di mbang nyaom ka 8 ngan saong bruk pachreih tui biak glaong ini, lac kadha praong njauk ndom tal dalam sajarah  ka bruk bangsa.

  Meng bruk hu tal 118 sarak bangsa di taong abih gah nan ye mblo tabiak dom bruk oh lagaih yau sarak daok bai rai, jien padai, ilamu ngak bruk oh ka sumu, peih ngak tui sarak oh ka sumu gauk, oh lagaih. Yau nan ye, Danak dak ini pataom 118 sarak nan veik, peih ngak meng thun 2021, ptaom prein khang buh tame ngak dom bruk praong, langyah dom bruk oh ka lagaih saong raidiuk di urang bangsa takik jeng yau piah ka bhap bini hu cak rok patagok siam jang.

Danak dak pakat negar ka bruk cak rok patagok kinh te bhum urang bangsa takik, bhum ceik vaktu 2021 -2030 tui Sarak 88 di Quốc hội hu Rajaei tacei pato padang ngak ngan saong kham merat dalam chính trị biak glaong saong thau lac hu 3 kadha birau.

  Ka sa, lac parabha bhum urang bangsa takik saong bhum ceik, duah thau ka cambiac dom bhum biak kan kandah piah meng nan buh jien tame ngak hu bruk praong ba mai siam lagaih, duah hu bruk ngak mbang saong patagok urang ngak bruk di bhum urang bangsa takik saong bhum ceik. Bruk ngak mbang nan hu pambuak 3 bruk  praong lac: patagok kinh te glai, khik iek saong patagok glai; Raong glang, parilo taphon athur raong, manuk ada tui mbuan lagaih di bhum palei di nyu; duah bruk ngak meng bruk pala sâm saong dom janih phun jru lagaih tui taneh glai di bhum.

Langyah dom bruk oh ka lagiah ngan saong urang kumei saong uranaih bhum urang bangsa takik saong bhum ceik.

  Gam tui nan lac langyah atah klak dom adat cambat klak yau tok gauk dalam gauk gar sa rilo darah, lakhah tuk umo daok sit; Pataom tame ngak brei patagok bruk pato pakai, y tế piah paglaong asar dân số saong bhum ceik.

Ngak tui sarak di Quốc Hội, Rajaei tacei ba jalan ka Ủy ban bangsa brei pan kaok pambuak saong  dom gah, karja dom palei padang ngak dom tanut parabha bhum urang bangsa takik saong bhum ceik ngan saong jalan taom gaok birau.

  Hu dua asar kadha, ka sa lac pabak baoh sang urang bangsa takik tame piah duk iek parabha bhum urang bangsa takik , bhum ceik. Kadua lac baoh sang urang kathaot, baoh sang urang bangsa takik  tame duk iek. Dua bruk nan lac bruk praong piah thau lac bhum kan kandah, bhum urang bangsa takik saong bhum ceik.

  Asar kadha ka dua lac parabha bhum urang bangsa takik saong bhum ceik piah xã bhum 3, palei biak kan kandah piah pataom prrein khang tame ngak min njauk brei pabhara cambaic laic duk saong tukvak dahlau. Ngan saong bruk phân định nan tok pandar dalam bruk buh jien padai tame ngak hạ tầng kỹ thuật, duah bruk ngak mbang, daok veik sarak ka manuac urang meda breai taom gaok tui baoh sang kathaot, baoh sang jaik kathaot oh tui bhum taneh biak kan kandah.

  Ngan saong phân định yau nan, bruk pataom prein khang tame ngak hu njauk jang saong tame bruk praong lac dom labik kan kandah di abih. Meng nan, bruk kinh te-xa hoi, akaok sahaneng di bhum urang bangsa takik saong bhum ceik meda hu cak rok patagok./.

Urang lang: Aí Nghiêm - 4/2