1. Juai caik rilo pandap panda mbuan khuah di labik caik ghing gaok, labik ngak mbang ngak huak. Juai caik xăng, menyek, khí cuh, khí mbuan khuah patuh saong dom  chất lỏng mbuan khuah dalam sang.

2. Ôtô, radaih patuh, dom jamriak hu pandar xăng menyek, janih ia mbuan khuah caik dalam sang danaok njauk caik atah di ghing ngak mbang ngak huak, labik pandiak. Oh caik radaih ôtô dalam sang piah caga radaih khuah eng atau khí độc tuk patuh mac.

3. Takik pandar kayau, tấm nhựa, mút xốp,… piah ốp daning tabung sang, daning pacang piah caga khuah pambak prong.

4. Juai sạc điện thoại, pandap panda hu pandar điện tuk melam.

5. Njauk pandar pandap cakak eng (Aptomat) ka jalan điện dalam baoh sang, yaok tal, yaok pandap điện pandar công suất prong, juai caik pandap panda mbuan khuah jaik bóng điện (talei ba, ổ cắm, pandap panda) jaik daning, sàn, tabung sang, daning hu ngak meng dom janih pandap mbuan khuah.

6. Tuk ủi pandap, pandar bếp điện, lò sấy brei hu manuac mong iek, juai caik ka uranaih, urang taha meta bhang, urang jaih jo, urang ruak glo akaok pandar dom pandap điện.

7. Labik thờ cúng ramik caik ka nyu laghaih, da-ning gah caik kapal thờ, tabung sang gah angaok kapal thờ njauk ngak meng pandap apui oh mbang hu. menyek, gilau, dhil njauk caik ka nyu khang kajap, brei caik atah pandap mbuan khauh, takik caik vàng mã, gilau, dhil angaok kapal thờ. Tok truac menyek, dhil, cuh gilau tuk hu urang prong daok di sang mong iek.

8. Labik ngak mbang ngak huak brei hu daning pacang meng pandap oh khuah. Meyah pandar bếp gas njauk hu jalan pacang takuh kaik haluh jalan ống ba gas, tuk ngak mbang ngak huak blaoh njauk padam  ging saong khóa van gas.

9. Dahlau di tuk tabiak nao atau dahlau di tuk nao ndih njauk pasang iek labik ngak mbang ngak huaj, labik thờ cúng, padam abih điện oh daok pandar.

10. Oh ngak lồng pasei, halăm pasei di lan can sang glaong tal. Meyah ngak ye brei hu gai taik gah dalam saong oh klauk sô (khóa). Caik caga mbaik ka-nyan, kanyan talei piah tathuak tabiak langiu tuk hu pui khuah.

11. Pambang hu rilo sô (khóa) njauk pandar dom janih sô (khóa) hu anek sô (chìa) karei di gauk piah mbuan kanar mbuan hadar tuk peih saong ba caik anek sô di labik mbuan mboh, mbuan mek. Dom pambang sang gah dalam njauk pandar janih gai taik gạt, jeng pacang caga hu co klaik.

12. Caga pandap jan palai piah ngak jeng jalan tathuak. Oh caik pandap panda pacang cakak jalan nao, pabah mbang tathuak tabiak.

13. Yaok baoh sang njauk caga dahlau dom jalan tathuak tabiak tuk pui khauh piah tathuak tabiak hu siam mekre tuk hu apui khauh, manuac urang dalam sang njauk thau pandar abih dom pandap padam khauh hu caga blaoh.

14. Tuk rah tabiak khauh njauk preo khang sap brei ka manuac urang daok jaik taphia nan thau, ieu phon ka Cảnh sát Pacang khuah padam khuah 114 atau karja, công an xã, phường jaik abih, taphia di nan pandar pandap padam khauh saong tathuak tabiak tui jalan hu kuhria caga blaoh.

Urang lang: T.Sĩ  6/4/2021