Harei halei jeng yau nan, meng page mesup, dom urang dalam tổ ghing mbang pahla di Pasak y tế bal sit Ngã Năm hu mbaok piah tahanek lisei, ngak bu brei ka dom urang ruak kan kathaot daok ndih iek ruak di pasak. Pak ini, urang prong thun abih labaih 70 thun saong sit abih jeng labaih 50 thun, min thei jeng samar drah, bak hatung hatian, yaok urang yaok sa bruk, ngak tabiak dom suất lisei pahla bak hatai klah rabha. Anai Huỳnh Thị Ánh Tuyết, urang hu ralo thun hu mbaok tame ngak mbang di Pasak Y tế bal sit Ngã Năm, brei thau, daong ka dom urang ruak kathaot dalam tuk kan kandah, njauk ruak nan lac hatai caong khin saong lac kadha bui sambai di dom urang thành viên. Sang hu 3 urang anek kamei, thei jeng khin likei abih, daok dua diuk pasang taha nao ngak pah hala; ong nao pajeng njam patam tapa ini; daok anai tahanek lisei ngak mbnag huak, drei ngak brei ka mikva urang ruak mbang hu saong abih ruak ye bui sambai lô.

Dut haong dom puk palei karei, rai diuk kinh tế di urang Sóc Trăng jeng yau mikva daok di bal sit Ngã Năm, abih di nyu nan lac di palei pala, bhum atah bayah jeng daok gaok ralo kan kandah. Kayua yau nan ye tuk njauk ruak, njauk tame sang iek ruak suai lavik, jien nao mai mbang huak tuk nan lac naong trak ka baoh sang urang ruak. Di pasak y tế bal sit Ngã Năm, yaok harei hu meng 100 – 150  urang ruak  daok iek ruak nội trú. Mbaoh ralo nan lac dom baoh sang urang kathaot saong jaik kathaot. Dom van mbang pahla meda daong ka urang ruak patrun meneng dom kuhri kuhria. Ong Trần Thanh Long thun ini umo labaih 60 thun mai meng Vĩnh Quới, daok iek ruak di Pasak Y tế bal sit Ngã Năm khan lac, meng dom pok lisei pahala bo yaok harei ong patrun hu labaih 50 ribau đồng jien mbang huak. Jeng bhian ndih pak ini piah iek ruak, jeng hu adei sa-ai di tổ từ thiện ba brei lisei huak oh abih jien nan ye jeng takik glaih glar jang. Dom urang ruak daok pak ini iek ruak  ralo meng lac urang kathaot, daok di bhum atah bayah nan ye jeng oh hu ralo jien ndo. Jeng hu adei sa-ai dalam tổ daong brei, trun hu kan kandah,, kayua lac page ye bu, kreh pandiak biar harei ye lisei, uan biak ralo. 

Ghing mbang pahla di pasak Y tế bal sit Ngã Năm hu padang tagok di thun 2009, hu 40 urang, parabha jeng 7 tổ salih gauk tahanek mbang yaok harei duh ka urang ruak kathaot. Page brei bu, kreh pandiak saong biar harei brei  lisei saong pandap mbang chay. Daok aia pandiak saong aia lọc ye hu luac harei melam. Yaok harei, ghing ba brei meng 350 – 400 pok mbang ka urang ruak saong urang raong menuac ruak. 

Ong Nguyễn Thanh Nhanh, akaok ghing mbang từ thiện Pasak y tế bal sit Ngã Năm, brei thau, nguồn nguyên liệu hu dom thành viên jak ba meng dom mạnh thường quân daok di bal sit Ngã Năm, ralo meng lac di chợ nổi. Yaok bilan ghing mbang pahla jak ba jien ndo, brah, njam patam baoh karaoh, tui kuhria labaih 50 triệu đồng.  Yaom lac ghing mbang pahla, ba brei dom pok lisei sraoh, min bruk ngak mbang ngak huak tuk halei jeng hu dom thành viên ngak siam, njauk haong bruk an toàn vệ sinh pandap mbang, saong hu ginup chất dinh dưỡng ka urang ruak. Ong Nguyễn Thanh Nhanh daok brei thau lac: Gaok tuk mai jeng gaok kan kandah, jien padai oh daok, njam patam baoh karaoh jeng abih, tuk nan jeng mboh chán nản, ralo mbang jeng khin kareik pabah mbang. Min drei saneng veik saong mboh urang ruak kathaot oh hu jien padai; nan ye khaol dahlak pak ini kham merat saong ngak habar piah khik hu ghing mbang pahla ini.” 

Labaih 9 thun peih tabiak ngak, ralo mbang abih brah, abih njam patam, dom urang dalam tổ njauk nao cagar lun jak ba ralo labik piah ba mai ngak samu duh ka urang ruak. Yaom lac kan kandah, glaih glar min dom urang ini tuk halei jeng kham merat harei melam ngak  tabiak dom pok lisei pah halaba bui sambai ka dom urang ruak kathaot. Kayua lac kadha bui sambai tuk abih ruak, hu mai veik  sang danaok taom gaok gauk gar di dom urang ruak nan jeng lac kadha bui sambai di taong abih dom thành viên ghing  mbang pahla di Pasak Y tế bal sit Ngã Năm, tỉnh Sóc Trăng./.