Di Cà Mau, hadang takai patih biak bhian randap hong urang rong hadang. Meng rilo thun dahlau, janih hadang ini hu mik va dalam tỉnh raong palao rilo tui jalan thâm canh atau bán thâm canh. Min dom thun jaik ni, di huyện Thới Bình, U Minh, bhap bini hu palao rong hadang takai patih dalam dom danao rong hadang tự nhiên. Bruk ngak nan hu ba mai kein liba biak glong. Meng nan bo hu urang raong ralo. Abih di nyu nan lac, hadei di bilan pandiak mbak khang thun 2015-2016, bruk nan rah tabiak khang jang.

Sang ong Hồ Hoàng Nam (xã Nguyễn Phích, huyện U Minh) hu palao rong hadang takai patih dalam danao hadang quảng canh hu labaih meteh thun ni mai. Tui tong yaom di ong  Nam, bruk rong ni ba mai kein liba glong jang hadang sú. Tapa 2 mbang rong, ong mboh hadang takai patih diuk hu biak rilo jang hadang sú. Tuk vak raong biak katut, oh ka tal 2 bilan ye pablei hu. Di angaok taneh praong 12 công, sang ong duah hu labaih 80 triệu đồng. Dalam tuk nan, 2 thun sang ong Nam rong dang sú jeng oh hu pok jien prong yau nan.  

Bahrau raong hadang ini meng thun bloh. Dahlau deih raong hadang sú saoh. Drei raong dalam 1 bilan 20 harei, meyah njauk hagait drei jeng srong hu. Thun bloh palao ô nan labaih 12 công. Mbang camereip hu 50 triệu đồng, mbang hadei jeng hu dom pluh triệu đồng. Hadang ini hu kein liba jang.

Dok sang saai  Dương Công Bằng ( dok di xã Hồ Thị Kỷ, huyện Thới Bình) hu 3 ha taneh rong hadang. Mboh rilo mik va dok jiak tapen palao dang takai patih hu laba, saai mek 4 công taneh rong palao iek. Tal urak ni, tapa 3 vụ rong, ngan song tuk vak labaih 8 bilan, sang saai duah hu labaih 60 triệu đồng. Urak ni, sang saai Đồng dok peih prong taneh rong hadang thẻ. Rilo mik va puk palei mboh kein liba jeng daok ngak tui.

Palao mbang bloh njauk padiak bhang, thun dahlau hu 2,3 vụ. Jeng hu, 6 – 70 triệu. Abih bilan ni, hulin chap bloh palao thẻ veik nan. Thun ni urang jeng palao hadang thẻ.. Dom adei sa-ai hulin jeng daok caga palao, mboh lin ngak hu, dom adei sa-ai jeng daok ramik pasiam poiah palao nan.

Meng dom jak jeng di tuk cemereip yau nan, bruk rong dang takai patih dalam danao hadang quảng canh song dang padai hu mik va ngak rilo. Di huyện Thới Bình tagok tal labaih 8.000 ha. Min, tui dom boh sang rong lavik thun, meyah palao dang takai patih gam gam, biak mbuan gaok  khat lihik. Saai  Bào Văn Mến (xã Tân Lộc Đông, huyện Thới Bình), urang hu rilo ilamu raong palao labaih 7 vụ dang takai patih brei thau: boh sang palao rong thẻ takai patih meng thun 2015. Hadei di dom mbang camereip brei thu hoạch rilo, hadei di nan, bruk rong dak kan. Tuk vak jiak di ni, sang saai gam khat lihik, meng nan salih tapa palao rong dang sú veik. 

Thạc sĩ Mã Huy, Phó Giám đốc Pasak pachreih  nông tỉnh Cà Mau brei thau: dang thẻ takai patih  hu rong tui jalan thâm canh song bán thâm canh. Bruk bhap bini eng drei palao rong thẻ tự nhiên lac oh lagaih song jalan ngak di Mintri ngak nong song patagok palei pala. Ong Huy hu panuac kakei lac, jhui rong dang takai patih tui jalan  tự nhiên. Kayua dang thẻ takai patih mbang biak khang, tuk hu rong gam gam meda ngak ka môi trường tự nhiên trun khang. Urang rong dang tui jalan quảng canh atau padai – dang oh ka thau cambaih bruk pasiam vuông hadang saong khik iek jit ruak di angaok dang  thẻ, kayua yau nan ye  biak mbuan gaok khat lihik di dom vụ rong patui di nan. Tuk khat lihik bloh, raong veik dang sú dak kan kandah jang. 

Kan kandah dalam bruk rong dang thẻ takai patih hu mboh bloh. Lingiu di nan, yaom dang ni oh dang sa labik, tuk tagok glaong, tuk trun biar, dut gah KT  dok alah tah drei dang sú. Dalam tuk nan, dang sú hu giá trị khang kajap song lac pren khang di Cà Mau. Kayua yau nan ye, bhap bini jhui nduac tui kein liba anak meta meda ba tal dom kan kandah suai lavik./.

CTV Khánh Hưng,