Sa-ai Saymah, daok di palei Phũm Soài, xã Châu Phong, ban sit Tân Châu (An Giang)

Khan bai Châu Giang hu rilo labik thau angan saong jeng bhian randap dalam raidiuk bhap bini meng pluh thun 70 di abap dahlau. Meng rilo pandap yau: Xa-rông, khan me-om, kadung bak… Pandap ginup janih, meng pandap pandar yaok harei tal dom janih pandap hu yaom glaong piah pablei tabiak negar lingiu. Palei ngak khan bai pak ini hu rik daong khik ramik dom ilamu meng kan di bangsa, tuk dom bruk ngak jeng hu ngak meng tangin. Taong abih dom pandap ngak tabiak jeng hu ngak meng dom urang gheih tangin di abih.

Meng bruk gheih tangin di drei, dom urang kumei Cam hu khik ramik ilamu meng kan di bangsa tapa dom pandap ngak meng tangin. Kayua kak kajap haong sajarah patagok di bangsa Cam, khan ao meng kan gam brei mboh ilamu, gam brei mboh adat cambat di bangsa. Dalam saman công nghiệp hiện đại, dom pandap hu menyim meng tangin jeng daok diuk hu, nan lac mai meng hu dom urang menyim abih hatai jai saong gheih tangin.

Tui thun bilan, bruk menyim khan bai di urang Cam An Giang hu patoa veik ka rilo rai ngan saong dom jalan ngak biak gheih dalam ilamu menyim saong nhuộm merai, nhuộm tanyik biak mekre, nan ye pandap ngak tabiak mboh biak siam, jangaih saong kajap, hu rilo menuac takre. 

Sa-ai Saymah, daok di palei Phũm Soài, xã Châu Phong, ban sit Tân Châu (An Giang), sa dalam dom urang menyim lavik thun khan lac: Urang Cam An Giang menyim thủ công meng merai hu nhuộm meng hala kayau, katak kayau, kanduh kayau… piah hu dom sambo màu yau ye: hijao, meriah, bhong, kanyik, katam, jhuk… Lingiu di nan, urang nhuộm meda pandar rilo sambo màu karei di gauk piah ngak brei mekre jang dom bingu la meng kan yau ye: Ô vuông, con thoi, cánh quạt, răng cưa, ia harei, hala bingu… biak gheih, rilo sambo màu, brei mboh ka langik tasik, ka bruk ngak mbang, ngak huak, adat cambat, ilamu.

Sa-ai Saymah daok brei thau lac “Jeng hu dom janih bingu la bahrau pambuak haong bingu la meng kan piah ngak ka pandap nyu mekre jang saong bahrau jang. Dom pandap ngak meng khan bai di urang Cam hu biak rilo janih, rilo mẫu mã, yau ye: tanyiak, muột, khan me-om, xa-rông, kadung bak… hu ngak biak gheih, biak mekre, mbuan pandar, yaom mbiah, pabak hatai takre nan ye dom darak pasar dalam negar saong lingiu taneh ia biak takre”.

Daok sa-ai Fala daok di  palei Hà Bao, xã Đa Phước, huyện An Phú (t.An Giang) brei thau: “Piah menyim hu dom blah khan bai mekre meta brei tari taring, kham merat saong tani tanat. Lingiu di nan, bruk nhuộm sambo merai lac 1 bruk praong saong tuk halei jeng hu ilamu karei di gauk hu patoa veik meng rilo rai dalam bhap bini urang Cam An Giang”.

Dom thun jaik di ini, bruk ravang iek palei ngak meng kan dak harei dak pachreih tuai damuai, abih di nyu lac tuai negar lingiu, kayua dom yaom glaong ilamu lavik rai saong jalan sahneng duah ngak bharau dom pandap thủ công di yaok bhum.

Meng tuk bruk ravang iek palei ngak khan bai di dom palei Cam Châu Phong (ban sit Tân Châu), xã Đa Phước (huyện An Phú) tỉnh An Giang cakrok patagaok, tuai du lịch mai ravang iek dak harei dak rilo, dalam nan hu tuai dalam taneh ia saong tuai negar lingiu, tapa nan kinh tế di dom baoh sang urang Cam dalam bhum hu tagok jang dahlau./.

(Urang lang: M. Phương – 29/03)