Pang tui panuac pacuh di kaol jhak lac dom urang tui FULRO, Tin lành Đề ga lưu vong daok di negar langiu, thun 2015, Ksor Vin haong 4 urang dam karei di palei Yam, bal sit Ia Kha, Ia Grai vượt biên tapa Campuchia piah cang  manuac mai raok ba nao Mỹ daok. Yau nan min,tuk nao tal Campuchia, Vin meng thau lac drei njauk lah pachot. Sa thun hadei, dom urang ini oh hu bruk ngak, oh hu jien cai pandar, njauk diuk rai pagam pambak di dom labik tỵ nạn. Dom harei atah sang, hadhar diuk uan anek, anit anek oh hu thei mong iek, Vin hối hận ka bruk ngak suan di drei. Bilan 7/2015, Vin saong dom ayut gilac veik mai palei, padang veik mbang ngui di drei. Meng sa urang mbuan jia, pang tui panuac pacuh di kol jhak, urak ini Vin jeng urang nao khan ka bhap bani palei Yam thau bruk kanjah jhak di kol Tin lành Đề ga di puk palei.  Ksor Vin lac: Dahlau diah hu urang daok pak Mỹ pacuh pajarak drei. Min tuk drei nao tapa Campuchia ye oh hu thei mai raok drei. Kol nyu pachot, oh hu kadha hagait njauk yau kaol nyu ndom. Meyah drei thau yau nan, drei oh nao, oh klaak diuk anek, amaik ame . Drei daok pak sang ngak mbang duah jien raong diuk anek. Tuk drei mai veik palei, kajar puk palei jeng mai pachreih ba, pandar drei kham mertta ngak bruk, oh saneng hagait, kayua ini lac taneh aia palei negar di drei.

Palei Yam hu 190 baoh sang urang Jrai. Thun 2004, pak ini hu jaik meteh dom baoh sang nao tui Tin lành Đề Ga saong jeng labik srau kadau gah an ninh chính trị. Ong Rơ Mah Thê, Bí thư chi bộ palei Yam brei thau,  dom thun dahlau, dom urang tui Tin lành Đề ga bhian pataom gauk, pacuh bhap bani preo puac urang jakar puk palei, ngak srau kadau puk palei. Lingiu di nan, dom urang ini daok pachot  lac tuk nao tapa negar Mỹ ye hu raidiuk ginup meda, pachuh pajarak, katung dui ralo urang dam dalam palei vượt biên suan adat. Tabung glaong, dalam thun 2015, dalam palei hu  8 urang likei vượt biên suan adar tapa Campuchia. Ralo sang klaak bein, klak hamu apuh, oh sahneng tal bruk ngak mbang, patagok kinh tế. Palei Jrai daok di pasak hành chính huyện Ia Grai, min hu jaik 90% baoh sang kathaot saong jaik katahot. Piah daong ka bhap bani puk palei mboh hu thủ đoạn di dom urang tui Tin lành Đề Ga, ong Rơ Mah Thê haong  công an bal sit saong dom kapul nyaom puk palei hu nao tal yaok baoh sang piah langyah, jak ba, daong ka bhap bani thau hu jalan ngak di kaol kanjah jhak: Dom gah, dom kapul nyaom di palei bhian pathau khan lac juai pang tui kaol kanjah jhak katung dui, dom urang nan tok pachot min. Nao tal Mỹ oh lac kahda mbuan. Urang hu jien meng nao tal hu. Drei daok pak ini ngak mbang, pala cà phê, ngak padai, duah jien raong diuk anek.”

Kham merat mesruh pacang âm mưu di kol FULRO saong Tin lành Đề ga, dom thun tapa, UB bhap bani bal sit Ia Kha hu padang mBan tacei pato bruk pato pakai bhap bani mikva dalam palei. Tui nan, dalam dom mbang họp palei, mBan tacei pato jak ba dom urang nao suan jalan, vượt biên suan dat hukum jeng dom urang pathau khan ka bruk kanjah jhak di FULRO, Tin lành Đê ga saong rai diuk rambah rambup di palei negar langiu. Meng nan, daong ka bhap bani paglaong akaok saneng, thau bruk halei njauk, bruk halei suan, caik hatai sangka anak bruk pacuh pajarak di kaol kanjah jak. Urak ini, yaok urang jakar puk palei hu jao brei  tui iek meng 1 tal 3 urang lac tín đồ di Tin lành Đề ga. Dom urang dalam mban tacei pato bhian nao rivang, duah thau hatai sahneng saong daong dom baoh sang cak rok patagok kinh tế. Thun 2017, Ban tacei pato hu daong 66/85 urang klaak Tin lành Đề ga, ba 21 urang tame diện khik iek, pato pakai, cảm hóa di puk palei. Ong Cao Minh Quyết, Akaok Công an bal sit Ia Kha, huyện Ia Grai brei thau: “Thun 2017, khaol dahlak tham mưu UB bhap bani bal sit peih 2 tal pato pakai tập trung ka 21 urang. Thun ini, khaol dahlak pataom iek veik 6 bilan akaok thun bruk khik iek dom urang ini. Dalam nan hu 7 urang hu biểu hiện siam. Thun ini, khaol dahlak ba meng 3 tal 4 urang tabiak truh  angan tui iek pato pakai .”

Meng bruk patagok pren khang di taong abih hệ thống chính trị, bal sit Ia Kha daok kham merat jhul kadul likuk, pamong tal palahik abih Tin lành Đề ga di puk palei./.