Di tỉnh Bình Thuận urak ini hu 71 ong halau janeng di agama Ahier, dalam nan hu 32 ong Paseh,  13 ong Kadhar, 15 ong Mưdôn,  saong 11 ong Kaing. Dalam thun, hu 2 ong Kadha daok di huyen Bắc Bình likau tame hu Hội đồng chức sắc chấp thuận. Agama Ahier tỉnh Bình Thuận urak ini hu 22 labik kakuh mukei yang mebang, dalam nan hu 2 bimong, 20 kalan. Dom bimong, kalan ini jeng hu menuac khik iek, ba mbuan lagiah ka bruk peih ngak adat cambat di agama, mbuan lagaih ka mikva dalam palei mai duh yang.

Agama Ahier tinh Binh Thuan hu labaih 19 ribau urang, daok di dom huyen Tuy Phong, Bac Binh, Ham Thuan Bac saong Ham Thuan Nam.

Meng di tuk hu pok brei angan lac tổ chức tôn giáo pakat tỉnh, mbiah tal urak ini, Hôi đồng Chức sắc Balamon hu patagok bruk jum pataom dalam halau janeng, bhap bini,  ngak siam domadat, hukum di Hội đồng ba tabiak. 

Hội đồng chức sắc hu peih rilo mbang ginum biai langyah dom bruk pambak tal adat cambat, tanarakun. Praong jang nan lac patabiak quy ước tacei pato ka adat cambat di dom harei rija, roya atau Kate, bruk tagok halau janeng, hu mbaok saong dom Sở, mBan  ngành langyah ba siam dom bruk kandah gauk dalam agama, tah klak bruk metin di đoan, bruk kandah gauk di dom urang dalam dom palei Cam Balamon.Ong Dhiar Thường Xuân Hữu, akok  Hội đồng halau janeng  Bàlamôn tỉnh Bình Thuận brei thau: Hahlau janeng khol dahlak brei biai gauk, jak ba mikva brei ngak siam tui sarak di Dang saong Karja....

Bruk pambuak haong karja palei tah klak dom adat cambat klak oh siam, bruk oh njauk gauk dalam halau janeng, bhapbini di palei Cam Balamon hu ngak siam, oh luai caik ka kol kanjiak jah nyu ngak srau kadau puk palei, neh rabha bruk jum pataom bangsa. Dom halau janeng gam saong ong dhiar dom palei hu padang kapol khik iek palei piah khik caga siam mekre bhum bhap bini Cam.

Di huyen Hàm Thuận Bắc bruk peih ngak tui sarak nyaom roya Hội đồng chức sac saong quy ước cộng đồng Ahier huyện hu peih ngak tal dom urang dang akaok but pajaih saong mikva urang tui agama. Meng di nan, mikva hu thau saong ngak siam dom asar di sarak, quy ước.Ong Paseh Đồng Ảnh daok di Thôn 3, ban sit Ma Lâm, huyện Hàm Thuận Bắc lac: " Mikva dalam palei diuk rai thau anit ranam gauk, daong ka gauk dalam bruk ngak mbang patagok...."

Urak ini, raidiuk di dom urang tui agama Balamon hu rilo salih birau, cakrok patagok khang, bruk ANTT hu dom puk palei sangka khik iek khang kajap. Mikva bhian pahadar gauk pato kakei anek kamuan ngak siam hukum Karja, kakei gauk diukrai siam ka dunya, mekre ka agama.

Bruk ngak di dom halau janeng jeng yau urang agama Ahier dak harei dak siam mekre, rilo bruk pambak tal agama hu Hoi đồng chức sắc pathau khan peih ngak biak siam, khik hu bruk jum pataom bangsa, rik daong khik kajap bruk ngak mbang, kinh tế, ilamu, xã hội, ANQP di palei, peih tabiak jalan siam ka dom thun anak tal di nhiệm kỳ ngak bruk./.