Hala mì xào – Pandap mbang abih gaok lisei di urang Ê Đê

Ngan saong mikva bangsa EDE daok di Dak lak, hala mì ( hala bei plom tui panuac ieu di gah Brak) lac sa dalam dom janih njam hu takre rilo di abih dalam dom var mbang. Mikva ngak hu rilo janih pandap mbang meng hala mì, min bingi di abih njauk ndom tal hala mì xào bingu lahong tano. H Xíu, urang vak di rayo sap ndom VN daok di Tay Nguyen brei thau ka pandap mbang bingi ini, daa mikva saong grauk ayut tui pang:

Dalam sang ging di baoh sang atah, amí Sa-ley daok di buôn Ea Mắp, xã Ea Pôk, huyện Cư Mgar, tỉnh Đắk Lắk daok saok hala mì that caga ngak món hala mì xào bingu lahong tano ka var lasei di sang. Amí Sa-ley lac, món ini bingi abih rilo lasei, mbang hadom jeng oh mboh trei.

-Piah ngak hu món hala mì xào pahe bingi, njauk ruah janih mì ta, hu dar sambo màu bhong tím, hala sit saong lipih paik meng dah pagaiy, tuk dom hala hijao meda daok hu rilo phấn mbon. Paik dom hala meda jaik kaduk, hadei nan klak cuống atah ba nao rao hacih, parai angaok nong papat klik atau buh tame gai thok blaoh thok ka klik dahlau si ngak. hala mì bilan hajan ini biak rilo, bilan pandiak meng takik. Dom adei sit dalam sang tok takre món mbang ini, ralo ikan jeng rilo min mbang oh hadom. Daok Ia bai hala mì ngak sa gaok praong jeng abih. Buh plang, amraik, akaok nén, hu ikan hấp ye them ikan hấp, oh hu ikan hấp ye ikan thu jeng hu, min ikan hấp nyu bingi jang.

Lingiu plang, amraik, akaok nén piah ngak brei hăng saong pahe,  janih oh kurang hu di món hala mì xào lac bingu lahong tano saong takik baoh trong phik. Dom bingu lahong tano barau tabiak, oh ka rak abih, tamuh jeng yaok chùm hu paik trun, kakak klak dar taha rao hacih caik thu ia. Sa janih tra ngak brei limek món mbang nan lac limek pabui, buh hasit ikan ngưới thu atau ikan hấp hak sit.

Saai Nguyễn Hải Yến, po sa nhà hàng đặc sản di ban sit Ea Pôk, huyện Cư Mgar, hu pasang likei urang Ê Đê, brei thau: hala mì xào lahong tano di urang Ê Đê bhian biak phik saong hang. Piah njauk cambuai di dom bhum karei, món ini hu ngak brei takik phik takik hang. Meyah bingu lahong tano phik rilo ye ba mai kloa tapa ia pandiak blaoh papat, hala mí jeng papat . Hadei di nan caik chảo tagok, tuh limeik saong dom nguyen lieu tame srau saong sào tagok. Món hala mì xào ini biak hang mbang meng bingi. Yau nan ye món ini njauk ngak hang hasit. Ini lac amraik sok klik saong plang saong akaok nén, tuk hla mì jaik si tasak, tuh abih tame dalam ini lac biak hang.

-Piah hu món hala mì xào bingi daok brei thau khik apui, caik pui sit sit piah hala mì tasak min oh thu, baoh trong tok jaik si tasak, bingu lahong racam (giòn) that. Vị phik di hala mì, baoh trong saong bingu lahong tano gam saong vị ngầy ngậy, yamen yamen di lamek pabui, ikan thu saong vị hang taik dalah di amraik ngak brei pachreih urang mbang meng klaih akaok meti.

-Amuk aduôn H Nhap, daok di buôn Knia 4, xã Ea Bar, huyện Buôn Đôn brei thau, phun mì saong dom món chế biến meng hala mì kak kajap saong mikva meng dom harei daok kan kandah, eik lipa. Urak ini raidiuk hu ginup meda jang, dalam buôn oh daok sang halei njauk mek akaok mì srau lasei, min dom món mbang meng hala mì jeng daok hu pandar hamiet dalam salao lasei dalam sang:  Sang bhian ngak món ini, drei taha lac biak takre món ini, dom adei sit jeng hu adei takre. Urang ndom lac món ini lac món di urang taha min, món mengkan nan. Ngak món ini njauk saok plang, xào thu saong ikan hấp, bingu lahong tano. Daok ngak ia bai lac món ia bai súp hala Yao.

-Oh cang hu rilo nguyên liệu cầu kỳ, oh chế biến kan kandah, món hala mì xào bingu lahong tano jeng ngak ka var lisei mboh pachreih jang, dui pagam dom urang dalam sang./.