Jhui ndom puac hagait di mangaok mang xa hoi 

Tui sarak 53 di rajaei, hu 5 bruk hu ieu klaak khaw tin suan adat hukum atau khau tin oh njauk di mangaok mạng. Nan lac tuk khaw tin nan di mangaok mạng hu jabat hu  thẩm quyền mboh lac hu  asal kadha xâm phạm an ninh taneh ia, cagar veik karja CHXHCN Việt Nam; pacuh oajarak ba tal srau kadau puk palei tui quy định di hukum.

Ka dua lac, tuk mboh lac khaw tin di mangaok mạng hu asal kadha ngak pamelau mbaok meta, menyai kanjah,  xâm phạm tame bruk khik ramik kinh tế; bịa đặt, suan haong bruk biak ngak srau kadau dalam bhap bini, khat lihik trak ka bruk kinh tế - xã hội tal tanut pandar ieu klak khaw tin.

Langiu di nan, dom khaw tin di mangaok mạng karei  hu asal kadha hu quy định di  điểm c, điểm đ, điểm e khoản 1 Paka 8 Hukum An ninh mạng jeng hu dok dalam bruk hu pandar ieu klak. Nan lac:

- Bruk ndom oh njauk ka sajarah, oh taduan lac hu biak jak jeng cách mạng, ngak tayah bruk jum pataom bangsa, xúc phạm agama, neh rabha likei kumei, neh rabha bangsa.

- Bruk mại dâm, tệ nạn xã hội, pablei salih menuac; ba khaw tin kanyah jhak, đồi trụy, ngak khut, ngak tayah adat cambat tanarakun siam mekre di bangsa, đạo đức xã hội, pren yava di bhap bini.

- Pacuh pajarak, dui ba ba urang karei ngak bruk kanyah, suan hukum.

Taphia di nan, Sarak 53 jeng tacei tabiak cambaih dom bruk njauk brei padeih atau ieu padeih dom khaw tin, mek veik angan bhum.

Dom bruk ni, lac: Hu harak gar brei mboh bruk ngak di dom khaw tin lac suan hukum gah an ninh negar, an ninh mạng; Bruk khaw tin dok hu pandar tame bruk lih tame an ninh taneh ia, trật tự an toàn xã hội.

Sarak 53 hu ba tame pandar meng harei 1/10/2022./.

Urang lang: Hanipha- 20/9