Mintri Jalan mbak Pajeng ba bahrau tabiak Thông tư 05/2024/TT-BGTVT (Thông tư 05) pasiam pabak dom paka di dom thông tư pambuak tal gah pajeng ba jalan radaih, radaih peih saong menuac peih. Thông tư bahrau brei adat ka menuac peih radaih pandar thông tin harak adat peih radaih hu ba tagok ứng dụng VneID, langiu di harak adat peih radaih meng thẻ PET khang. Dalam tuk nan, Thông tư 12/2017/TT-BGTVT daok pandar tok brei pandar harak adat peih radaih meng thẻ PET kayua jabat hu thẩm quyền ngak brei.

Bruk njauk biai nan lac, pambuak tal ngak bahrau, salih bahrau, khik ramik harak adat peih radaih… Thông tư 05 brei pabak dom bruk urang peih radaih njauk mek veik harak adat peih radaih. Tui nan, Mintri Jalan mbak Pajeng ba bahrau patabiak saong brei ba tame pandar meng harei 1/6/2024 tacei tabiak cambaih 6 paka njauk mek veik harak adat peih radaih, lac:

K1: Bleik, pachot piah hu ngak brei harak adat peih radaih. Dalam nan hu bleik pachot ka umo thun, ka prein yava, pandar harak gar oh njauk adat.

K2: Ngak suan thông tin angaok harak adat peih radaih: Dom menuac ngak suan bruk ini oh hu ngak brei harak adat peih radaih dalam vaktu 5 thun, meyah khin ngak veik, brei nao bac saong sát hạch yau ngak harak adat peih radaih mbang camereip.

K3: Brei ka urang karei pandar harak adat peih radaih di drei: Ini lac paka bahrau duk haong dahlau daih. Tuk mboh hu bruk nan, njauk mek veik harak adat peih radaih. Khin ngak veik, brei bac veik saong pakacah sát hạch veik.

K4: Ngak harak adat peih radaih brei ka urang oh ginup paka. Dalam nan hu bruk ngak harak adat peih radaih ka urang oh ginup umo thun, oh ginup prein yava…

K5: Tuk hu labaih kurang angaok harak adat peih radaih. Dom labaih kurang  mada lac angan, thun ndih tapui, quốc tịch, labik daok, hạng harak adat peih radaih …

K6: Tuk mboh urang peih radaih dalam rup hu ma túy tapa khám sức khỏe.

Pathau mikva saong taong abih gauk! Bruk langyah harak adat peih radaih njauk mek veik, Thông tư 05 jeng hu tacei cambaih. Tui nan, dom bruk di dom paka 1, 2, 4, 6 tuk harak adat peih radaih njauk mek veik lac oh hu giá trị pandar. Jabat khik ramik harak adat peih radaih brei cập nhật dữ liệu ka bruk ngak suan tagok hệ thống brei thau ka adat peih radaih meng harei mboh bruk ngak suan.

Langiu di nan, urang ngak suan brei taduan trách nhiệm anak adat hukum saong oh hu ngak harak adat peih radaih dalam tukvak 05 thun, kuhria meng harei mboh bruk ngak suan. Meyah khin ngak veik harak adat peih radaih, brei bac veik saong pakacah veik yau mbang camereip./.