Tui paka 23, Thông tư 24 di Mintri Công an ye hu 8 bruk jabat hu thẩm quyền meda mek veik harak tut angan, laik radaih di rahra.

Dom bruk nan, yau hadei di ini:

- Radaih khut oh ndik hu, njauk palai klaak kayua njauk hagait nan

- Radaih abih tukvak pandar, oh hu adat peih nduac tui adat hukum

- Radaih njauk co lahik lahik, njauk meblah mek oh duah hu atau radaih njauk klaak nao, po radaih ieu mek veik harak tut angan radaih, laik radaih

- radaih blei meng negar langiu miễn kak je atau radaih ba tame meng negar langiu di jabat, kapul nyaom, manuac urang negar langiu hu ba tabiak negar langiu veik, salih quyen pandar atau palai klaak

- Radaih tut angan di dom labik kinh tế tui adat di Rajaei tuk ba tabiak negar langiu veik atau chuyển nhượng tame Việt Nam

- Radaih ngak adat tut angan salih angan, salih labik

- Radaih taoh mac, khung piah tut angan ka radaih karei

- Radaih hu tut angan blaoh min mboh lac harak gar radaih ja atau radaih hu panuac brei thau di jabat hu thẩm quyền lac laik mac, laik khung njauk cakak, hàn, đục gilac, tẩy xóa atau ngak brei laik radaih oh njauk adat.

Mayah laik tame sa dalam 8 bruk yau mangaok nan, jabat hu thẩm quyền (jabat  công an) meda tabiak harak brei mek veik cà vẹt, mek veik laik radaih.

Adat mek veik cà vẹt, laik radaih: peih ngak dịch vụ công online, ngan haong dom bruk hu tacei tabiak di khoản 1, khoản 2, khoản 3 paka 23 Thông tư 24.

Po radaih vak tame harak mek harak tut angan, laik radaih di mangaok cổng dịch vụ công saong nộp harak tut angan radaih, laik radaih ka jabat tut angan radaih tapa jalan bưu chính.

Hadei di tuk taduan mek, pasang iek harak har mboh njauk, jabat tut angan radaih biyar kết quả pabak harak mek veik tut angan, laik radaih ka po radaih di mangaok cổng dịch vụ công.

Po radaih ngak harak khai mek tut angan, laik radaih di mangaok cổng dịch vụ công; pabak mã hồ sơ tut angan radaih online saong nộp harak mek veik tui adat di paka 24 Thông tư 24; taduan harak pagun sanya biyar kết quả tut angan tui adat. Hadei di tuk taduan, pasang iek harak gar mboh lac njauk, jabat tut angan radaih ngak harak mek veik tut angan, laik radaih tui njauk adat; 1 blah biyar ka po radaih; sa blah khik piah veik./.