Dom quy định di hukum ka bruk pandar jien ja

Pandar jien ja lac bruk bo adat hukum pakauk oh brei ngak. Urang halei ngak bruk ini jeng meda njauk ba tabiak kaoh tui hukum hình sự. Tui Paka 17 Hukum Gilang pariak Karja 2010, Gilang Pariak Karja lac labik duy nhất patabiak jien ba-ar, jien kim loại di taneh ia Cộng hoà xã hội chủ nghĩa Việt Nam.

Jien ba-a, jien kim loại kayua Gilang pariak Karja patabiak lac jien piah cai, blei pandap njauk adat hukum di mangaok taneh ia Cộng hoà xã hội chủ nghĩa Việt Nam.

Tui nan, Gilang pariak Karja pabak ginup dom janih jien ba-ar, jien kim loại ka nền kinh tế. Jien ba-ar, jien kim loại patabiak saong hu ba tame pandar lac drap ar "Sraiy" di nền kinh tế saong hu ngak ka samu meng drap ar "Hu" di Gilang pariak karja."

Yau nan, jien ja lac janih jien oh kayua Gilang pariak Karja Việt Nam patabiak saong bruk ba pandar, blei salih jien ja lac bruk pakauk, oh brei ngak. Meyah ngak suan, njauk taong tui Paka 207 Bộ luật Hình sự 2015, tui nan:

Urang halei ngak tabiak, khik piah, pajeng ba, ba pandar jien ja, njauk cap caik guk meng 3 thun tal 7 thun.

Meyah ba pandar jien ja samu haong yaom meng 5.000.000 đồng tal mala 50.000.000 đồng, njauk cap caik guk meng 5 thun tal 12 thun.

Meyah jien ja hu yaom samu meng 50.000.000 đồng tagok, njauk cap caik guk meng 10 thun tal 20 thun atau guk tal metai.

Urang caga ngak duas ini, njauk phạt cải tạo oh cap kreik tal 3 thun atau cap caik guk meng 1 thun tal 3 thun.

Urang duas daok meda njauk phạt jien meng 10.000.000 đồng tal 100.000.000 đồng atau tịch thu meneing atau taong abih drap ar.

Daok menuac blei jien ja ye hu parabha jeng 2 bruk piah langyah tui hukum:

Bruk blei salih oh ka salah saong menuac blei oh ka taduan hu jien ja ye oh ka ginup bruk piah kaoh duas khik piah jien ja. Nan ye dalam bruk ini, meda oh njauk ba tabiak kaoh duas hình sự.

Bruk blei salih hu salah blaoh saong menuac blei taduan mek hu jien ja blaoh, hu maong lac ginup bruk ngak jeng duas tui Paka 207 Bộ luật hình sự 2015, hu pasiam pabak di thun 2017 saong meda njauk ba tabiak kaoh duas hình sự./.

Urang lang: Mousa Phương – 04/10