Dom urang F1 hu klauk ginup vaccine caga COVID-19 atau njauk COVID-19 dalam 3 bilan hu brei nao ngak, nao bac

Tui nan, dom urang F1 hu klauk ginup vaccine caga COVID-19 atau njauk COVID-19 dalam 3 bilan hu brei nao ngak, nao bac.

Min, ngan haong dom urang ini, UBND ieu kakei brei ngak catang bruk tui eng drei tui iek prein yava takik di abih lac 10 harei meng di tuk taom gaok jaik haong F0, brei test samar di harei ka 5 saong tuk mboh dalam rup yau njauk ruak COVID-19.

Dalam tukvak ini, F1 nao mai meng labik daok tal labik ngak bruk, labik bac ta-a meng radaih di drei.

Gam haong nan, F1 njauk pacang caga jit yau ye bhian cuk pataih pacang mbaok, rao tangin pametai anek ruak, oh pandar gam pandap panda haong urang karei dalam tuk mbang huac, ngak bruk, bac ta-a.

F1 jeng njauk plaih taom gaok jaik haong dom urang mbuan njom ruak glaong (urang hu ruak dahlau dalam rup, urang umo mangaok 50 thun, urang kumei matain, urang ka oh hu klauk vắc xin caga COVID-19, …) dalam sang, di labik ngak bruk, labik bac ta-a. saong njauk pathau khan y tế di mangaok ứng dụng PC-covid.

Tui UBND TP.HCM, bruk ba tabiak pato tacei bahrau ini tui panuac likau dahlau di nan di Sở Y tế TP.HCM, kayua jit ruak di TP.HCM daok hu pasang iek saong jaik abih dom menuac umo labaih 12 thun hu klauk blaoh vắc xin caga COVID-19.

Jaik abih dom urang njauk COVID-19 oh daok dalam nyaom dom urang mbuan njom glaong jeng oh mboh njauk hagait dalam rup atau mboh hanjul saong thit ruak hadei di nan. Tacei pato bahrau ini jeng meda rik daong patrun bruk klaih klaoh dalam raidiuk yau ye bruk ngak mbang, pablei salih, bruk nao bac di anek saih, dom bruk khik ramik tacei ba, iek glang y tế…kayua njauk brei daok karei ngan haong dom urang F1 yau dahlau dieh./.

Urang lang: Thu Thao – 29/03