Danak harak gal brei abih sang taik tahak ka baoh sang kathaot

Bruk 1: Payua harak gal tut angan daong brei abih baoh sang taik tahak

Baoh sang kathaot hu hatai caong tut angan taduan bruk daong brei oh daok baoh sang taik tahak brei ngak 1 harak gal tui adat payua akaok UB Bhap bini pakat xa (tapa gah taduan saong bayar bruk kuhria hu pakat xa) di labik daok.

Bruk 2: Nyaom biai taong yaom harak angan hu daong

Dalam 5 harei ngak bruk, bruk hu jao bruk ngak patrun kathaot pakat xa pambuak akaok kapul/akaok palei peih nyaom biai taong yaom baoh sang kathaot, baoh sang patruh kathaot hu padang, pasiam sang daok di labik daok rahra, palei/to dan pho.

Bruk 3: Mbat taok tantu harak angan hu daong

Harak angan hu daong padang, pasiam sang daok hu mbat taok tantu di palei/to dan pho saong jabat UB Bhap bini pakat xa; pathau khan di angaok majam loa papar sap di bhum palei dalam 3 harei.

Abih tukvak mbat taok tantu, urang karja hu jao bruk ngak patrun kathaot pakat xa salah blaoh, padang tabiak harak angan baoh sang payua UB Bhap bini pakat xa.

Bruk 4: Pakat xa taong yaom tapa saong pataom taong abih harak angan

Dalam 2 harei ngak bruk, UB Bhap bini pakat xa maong iek tapa, pataom taong abih saong payua mai UB BHap bini pakat huyen harak angan baoh sang daok dalam sarak hu daong padang bahrau atau pasiam sang daok.

Bruk 5: Pakat huyen mbaoh tangin harak angan

Dalam 3 harei ngak bruk kuhria meng tukvak hu taduan pathau khan di UB Bhap bini pakat xa, UB Bhap bini pakat huyen pataom taong abih saong mbaoh tangin harak angan baoh sang hu daong sang daok dalam bhum, pathau khan UB BHap bini tinh (tapa so padang); ngak harak gal likau Uy mban Mat tran Negar pakat tinh daong jien ngak.

Bruk 6: Dom so, dom gah ba tagok pakat tinh harak angan hu ba likau daong

Di bruk mbaoh tangin harak angan daong di UB Bhap bini pakat huyen, dalam 5 harei ngak bruk, so padang dang ngak, pambuak saong so jien padai, saong dom so, dom mbang, dom gah hu pambuak ba tagok UB Bhap bini tinh mbaoh tangin harak angan daong.

Bruk 7: Pakat tinh mbaoh tangin

Dalam 2 harei ngak bruk, UB Bhap bini tinh ba tabiak mbaoh tangin harak dak angan urang hu brei daong; gam haong nan pato tacei ngak bruk daong. Bruk oh mbaoh tangin, UB Bhap bini tinh pathau khan meng harak gal saong ndom cambaih laih makna bruk di nyu.

Bruk 8: Pakat xa peih ngak

UB Bhap bini pakat huyen pato tacei UB Bhap bini pakat xa dang ngak, pambuak tacei ba ka baoh sang hu daong brei abih sang taik tahak peih ngak, gam haong nan pandar urang jakar tui iek tukvak ngak.

Harak gal ngak adat brei oh daok baoh sang taik tahak ka baoph sang kathaot dalam nan hu: can cuoc cong dan; harak sao harak mbaoh tangin baoh sang kathaot, jaik kathaot; harak mbaoh tangin brei pandar sang, taneh daok njauk adat, njauk hukum oh hu meraik meblah; harak gal alin brei ka taneh daok; harak khan likau ka sang daok; thaik thaot ka baoh sang taik tahak saong dom tanut patrun pakat, khut tayah.

Brei njauk caik hatai lac, ngan haong baoh sang kathaot daok dalam sarak daong rahra oh daok prein ngak bruk, brei hu pabak: harak sao harak mbaoh tangin di labik y te ngan haong urang oh daok prein ngak bruk hu (meyah hu); harak sao mbaoh tangin brei mbang tui sarak daong rahra./.