Bruk brei harak bahrau brei ka tapuk merah kayua lahik njauk brei ngak cambaic tantu harak gal địa chính jeng ye brei thau cambaic di pakat palei caga chung hukum nagar.

Tui adat hukum bahrau ini, tuk lahik tapuk harak merah, urang pandar taneh atau po tapuk harak merah njauk brei thau harak lakau ngak tapak labik sa pabah mbang. Jabat ngak harak taneh atau dhan Jabat brei ngak harak taneh riya. Bruk iek glang ganap harak gal meng akaok ieuk lac sa bruk tapak njauk piah harak gal di drei hu taduan mek jeng ye brei nak ka samar.

Dom janih harak gal ngak tui adat dak brei. Tui dom janih tal harak gal njauk dut iek ka njauk cambaic taneh riya ye bhap bini brei mbat hala harak gal di bản đồ địa chính piah ka hu brei dut iek ka njauk.

Hadei di taduan harak gal, Jabat tut angan taneh riya ieik glang dom janih dalam harak tapuk merah hu lahik blaoh tui majam harak rak gal dalam nagar daok khik. Nyu brei thau lac dom janih taneh riya hu brei jao atau brei nyim salih nao mai pambuak bruk song nyu. Mayah tavak tavaiy tame hukum ye brei bayar harak ka po di nyu piah caga cuang candah mada tanmuh tabiak hadei di nan.

Mayah harak gar mada njauk ganap, khao tin harak gal brei payua ka UB Bhap bini pakat xa labik hu taneh blaoh brei mbat taok tantu di labik jabat dan saong labik daok di bhap bini dalam tukvak 15 harei. Ini ieu lac bruk njak ngak di bhap bini piah ka dom gah iek glang dom janih khao tin brei ka bruk panjauk harak gal brei ngak po taneh riya.

Tal tuk tukvak breimbat taok, dalam 5 harei, UB Bhap bini pakat xa ngak harak payua khan brei thau dom dom bruk kadha brei ka Jabat Tut angan taneh riya. Tui dom jabat saong urang daok langiu nagar, adat iek njauk brei thau khao tin lahik harak tapuk merah ba tagok klau mbang di hatak khao tin bhap bini dalam 15 harei jeng ye jien buh tabriak kayua po di nyu buh tabriak bayar.

Biar halei salah gah dom bruk jabat brei adat tabiak harak yah klak harak mbaoh tangin ka lahik blaoh jeng ye buh pabak khao tin tame harak taneh riya. Hadei di nan, harak tapuk merah bahrau brei paganap brei ka urang pandar taneh njauk tui adat hukum.

Njauk caik hatai, mayah bhap bini ngak lahik banah hala brei pabak tapuk harak merak (harak brei dalau di tukvak Sarak 151/2025/NĐ-CP hu brei adat), dom bruk kadha di nyu jeng njauk brei pandar. Harak gal ngak tui mẫu dan tui asar gốc Harak mbaoh tangin piah ka jabat chuc nang pabak dom du lieu jeng ye brei bahrau dom harak gal.

Brei ka hukum: Bhap bini njauk taeng drei iek glang tui adat hukum brei ka baoh taneh di drei di palei. Bruk pan kajap bruk ngak njauk tui hukum oh sa janih daong panak tukvak langyah bruk hik blaoh nyu daok caga ngak chung dom janih kadha brei ka mayao mayit taneh riya./.